Елордада Мәдениет және өнер саласы ұйымдары мен қызметкерлерінің жыл сайын дәстүрлі өтетін «Рухани қазына – 2023» фестивалі өтуде.
29 November 2023
Елордада Мәдениет және өнер саласы ұйымдары мен қызметкерлерінің жыл сайын дәстүрлі өтетін «Рухани қазына – 2023» фестивалі өтуде.
Фестивальдің негізгі мақсаты мәдениет саласы қызметкерлерінің қызметінде тәжірибе алмасуға мүмкіндік беру, соның ішінде кітапхана, музей, мәдени ойын-сауық саласындағы қызметкерлердің кәсіби шеберлігін арттыру, қазақстандық патриотизм мен ұлттық-мәдени бірлікті дамыту аясында ұлттық мәдениетті насихаттау, аймақтық мәдениет ұйымдарының имиджін көтеру, үздік әлеуметтік-мәдени және білім беру тәжірибелерін ортаға салу.
Республикалық фестиваль бірнеше кезеңнен тұрады. Байқаудың алғашқы күндері мәдениет қызметкерлері мұражай, кітапхана, мәдени-демалыс қызметі саласы бойынша өзара бақ сынасты.
Қазылар алқасының қарауына кітапхана саласы бойынша 78 өтінім, мәдени демалыс ұйымдарынан 70 өтінім, музей саласынан 25 өтінім келіп түскен.
Кітапхана саласы бойынша «Үздік облыстық маңызы бар кітапхана», «Үздік аудандық(қалалық) маңызы бар кітапхана», «Үздік ауылдық маңызы бар кітапхана», «Балалар, жасөспірімдер немесе балалар және жасөспірімдерге арналған үздік кітапхана», «Айрықша қажеттілігі бар азаматтарға арналған үздік кітапхана», сондай-ақ «Облыстық маңызы бар кітапхананың үздік қызметкері», «Аудандық(қалалық) маңызы бар кітапхананың үздік қызметкерлері», «Ауылдық маңызы бар кітапхананың үздік қызметкері», «Айрықша қажеттілігі бар азаматтарға арналған кітапхананың үздік қызметкері», «Тахауи Ахтановтың 100 жылдығы құрметіне орай»(кітапханалар арасында) номинацияларының үздіктерін тәжірибелі кітапханашылардан құралған қазылар алқасы анықтамақ.
29-30 қараша күндері әр сала бойынша шеберлік-сыныптары ұйымдастырылады.
1 желтоқсанында фестивальдің жабылу салтанаты, байқау жеңімпаздарын марапаттау және гала-концерт өтеді.
Конкурс жеңімпаздарына салтанатты түрде диплом, арнайы статуэтка және ақшалай сыйлықтар табысталады.
