Кітапханамызда Хабиболла Айатоллаһидің «Иран өнерінің тарихы» кітабының қазақша нұсқасының таныстырылымы өтті.

Кітапханамызда Хабиболла Айатоллаһидің «Иран өнерінің тарихы» кітабының қазақша нұсқасының таныстырылымы өтті.

18 May 2023

Кітапханамызда Хабиболла Айатоллаһидің «Иран өнерінің тарихы» кітабының қазақша нұсқасының таныстырылымы өтті.

Иран ерте заманнан бері өркениеттер тоғысында орналасқандықтан қазіргі таңда бай мәдени мұраның иегері атанып отыр. Бүгінгі Иранның мәдениеті мен өнері тек парсылар ғана емес, сонымен қатар, бірнеше мыңжылдық бойы Иран жерін мекендеген түрлі халықтар мен мемлекеттердің мәдениеттерін сіңіргендіктен, оның өнері де сан алуан болып келеді.

Иранның өнерін бір кітапта қыр-сырын ашып, таныстыру мүмкін емес екені сөзсіз. Алайда, ирандық зерттеуші Хабиболла Айатоллаһи «Иран өнерінің тарихы» атты кітабында ежелгі заманнан әлем өнеріне әсер еткен, тарихы тереңге бойлаған жоғары құндылықтарға ие Иран өнерінің тарихи кезеңдерін саралап, оқырмандарға ұсынды. Өз жерінде де кең қолданысқа ие болған бұл туынды Иран Ислам Республикасының Қазақстан Республикасындағы елшілігінің мәдени өкілдігінің талпынысымен және шығыстанушы, филология ғылымының кандидаты Айнаш Қасым тарапынан қазақ тіліне тәржімаланып, Қазақстан халқына ұсынылып отыр.