«ӘДЕБИЕТТАНУ ТАРЛАНЫ» Ұстаз, ғалым, қоғам қайраткері Тұрсынбек Кәкішұлының 95 жылдық мерейтойы
25 August 2022
ҚР Ұлттық академиялық кітапханасында 15 тамыз күні Қазақстан Республикасының еңбек сіңірген ғылым қайраткері, Халықаралық жоғары мектептер ғылым академиясының құрметті академигі, Қазақстан Жазушылар Одағының Сәкен Сейфуллин атындағы сыйлығының лауреаты, «Парасат» орденінің иегері, филология ғылымдарының докторы, профессор Тұрсынбек Кәкішұлының туғанына 95 жыл толуына орай дөңгелек үстел өтті.
Шараның мақсаты: сыншы-ғалым, жазушы Тұрсынбек Кәкішұлының қазақ әдебиеті саласының дамуына қосқан теңдессіз үлесін бағалау, ұлтжандылығы мен әдебиетке деген адалдығын жастарға үлгі ету, ғалымның артында қалған баға жетпес мол мұрасын бүгінгі ұрпаққа дәріптеу, біртуар азаматтың рухына құрмет көрсету.
Модератор: ақын, Қазақстанның еңбек сіңірген қайраткері, Халықаралық «Алаш» әдеби сыйлығының иегері, Қазақстан Жазушылар одағының хатшысы, Нұр-Сұлтан қаласы филиалының директоры Дәулеткерей Кәпұлы.
Дөңгелек үстелге ғалым, түркітанушы, филология ғылымдарының докторы, профессор Шәкір Ыбыраев, жазушы, ғалым, абайтанушы, алаштанушы, филология ғылымдарының докторы, профессор Тұрсын Жұртбай, ақын, Мемлекеттік сыйлығының лауреаты, Қазақстанның еңбек сіңірген қайраткері Несіпбек Айтұлы, ақын, драматург, жазушы, айтыс ақыны, жыршы-жырау, манасшы, Қазақстанның еңбек сіңірген қайраткері Баянғали Әлімжанов, ақын, прозашы, публицист, аудармашы Қайырбек Сәдуақасов, әдебиеттанушы, Шайсұлтан Шаяхметов атындағы Тіл-Қазына (Til-Qazyna) ғылыми-практикалық орталығының директоры Ербол Тілешев, Қазақстан Республикасының Ұлттық ғылым академиясының академигі, филология ғылымдарының докторы, профессор, Дихан Қамзабекұлы, Қазақстан Республикасының Ұлттық ғылым академиясының академигі, мемлекет және қоғам қайраткері, филология ғылымдарының докторы, профессор, Шерубай Құрманбайұлы, алаштанушы, филология ғылымдарының докторы, профессор Сағымбай Жұмағұл, филология ғылымдарының докторы, профессор Рахымжан Тұрысбек, ақын, драматург, әнші, актер Қанат Жүнісұлы және тағы басқалар қатысты.
