Адамзаттың Абайы
12 August 2024
АБАЙ КҮНІНЕ АРНАЛҒАН «АДАМЗАТТЫҢ АБАЙЫ» МЕРЕКЕЛІК РУХАНИ ІС- ШАРАСЫ ӨТТІ
Қазақстан Республикасының Ұлттық академиялық кітапханасында 9 тамыз күні сағат 11.00-де Абай күніне арналған«Адамзаттың Абайы» атты іс-шара өтті.
Шараның мақсаты – ұлы ойшылдың тұлғасы мен мұрасын ұлықтау. Абай – ұлт ұстазы, қазақтың рухани ағартушысы. Мемлекет басшысы Қ.К.Тоқаев өз мақаласында Абайды рухани темірқазық ретінде қабылдауға шақырып, мол мұрасының ұлт болып бірлесуге, ел болып дамуға тигізер пайдасы зор екеніне аса мән беріп, ақын сөздерінің бүгінгі заманда да өзектілігіне жұртшылықтың назарын аударғаны белгілі.
Іс-шара «Абай - тұтас бір әлем»тақырыбындағы кітап көрмесінің ресми ашылуымен басталды. Көрмені әнші, ҚР Еңбек сіңірген қайраткері Қалқатай Құмарбек «Сегіз аяқ» әнімен ашты. Шараға жазушылар: Әлібек Асқар, Жанат Елшібек, Қуаныш Жиенбай, Абайдың жиені Ләйлә Баймағамбетқызы, Россотрудничество өкілдігінің басшысы Ольга Филонова, педагогика ғылымдарының докторы, Назарбаев университетінің профессоры Құрманбай Гүлтас және зиялы қауым өкілдері қатысты.
«Абай өлеңдері әлем тілдерінде» шарасы аясында ақынның «Ғылым таппай мақтанба» өлеңі әлемнің 9 тілінде оқылды.
ҚР Ұлттық ұлан өкілдері және ҚР Ұлттық қауіпсіздік комитеті Шекара қызметінің ансамблі Абайдың өлеңдері мен әндерін орындады.
Шара Қалибек Алтыбаевтың «Абай әлеміне саяхат» кітабының таныстырылымымен жалғасты.
Академик Шерубай Құрманбайұлының модераторлығымен ғалым, филология ғылымдарының докторы, профессор Шәкір Ибраевтың «Абайтанудың заманауи дамуы жайында» атты ғылыми дәрісі өтті.
Педагогика ғылымдарының докторы, Назарбаев университетінің профессоры Құрманбай Гүлтас кітапхананың кішкентай оқырмандарымен «Бала Абай» сторителлингін өткізді.
Рухани шараға «Егемен Қазақстан», «Хабар», «Қазақстан», «Астана», «Қазконтент» және т.б. БАҚ өкілдері қатысты.
