Қазақстан Республикасы Халықтарының тілдер мерекесі күніне орай «Тіл мәртебесі – ел мәртебесі» атты дөңгелек үстел өтті.
27 September 2023
Ұлттық руханиятымыздың өзегі - тіл. Мазмұнды шараның мақсаты – мемлекеттік тілдің мәртебесін көтеру, қазақстандық рухани бірлікті қалыптастыру, отансүйгіштік сезімді арттыру.
Шараның модераторы – ғалым филология ғылымдарының докторы, профессор Шерубай Құрманбайұлы.
Тіл мәртебесін көтеретін жиында ҚР Ғылым және білім министрлігі, Тіл саясаты комитетінің төрағасы – Ербол Тілешов, алаштанушы, филология ғылымының докторы, профессор – Айгүл Ісмақова, қаламгер, Қазақстан Журналистер және Жазушылар одағының мүшесі – Өріс Яшүкірқызы, ақын-публицист, Халықаралық «Алаш» әдеби сыйлығының лауреаты - Нұрлан Қалқа, тағы басқа тіл жанашырлары қазіргі кездегі қазақ тілінің мәртебесі, ел тыныштығы үшін әр сөзді жауапкершілікпен айтудың маңызы, азат ел келешегінің тұғырлы тілмен байланысы сынды өзекті тақырыптарды талқылады. Ұсыныс, пікірлер тыңдалды.
Шараға зиялы қауым өкілдері, ақын-жазушылары, қоғам қайраткерлері, журналистер, қоғам белсенділері, ҚР ДСМ «Транспланттауды және жоғары технологиялық медициналық қызметті үйлестіру жөніндегі республикалық орталық» ұжымы, оқырмандар қатысты.
