Нидерландының Роттердам қаласында Кітапханалық қауымдастықтар мен мекемелер халықаралық федерациясының дәстүрлі (ИФЛА-2023) Дүниежүзілік кітапханалық және ақпараттық 88 - конгресі өтіп жатыр.
21 August 2023
Нидерландының Роттердам қаласында Кітапханалық қауымдастықтар мен мекемелер халықаралық федерациясының дәстүрлі (ИФЛА-2023) Дүниежүзілік кітапханалық және ақпараттық 88 - конгресі өтіп жатыр.
IFLA-ның мақсаты – кітапханалар арасындағы халықаралық ынтымақтастықты нығайту және дүние жүзіндегі кітапханаларға кітапханалық-ақпараттық қызмет көрсетудің жоғары деңгейін қолдау. Халықаралық шараға әлемнің 150 мемлекетінен 3000-ға жуық адам келген.
21 тамызда басталған халықаралық шараға ҚР Ұлттық академиялық кітапханасының директоры Г.Қ. Нұрғалиева «Қазақстанның Ұлттық электронды кітапханасы» атты постер-баяндамасымен қатысуда.
2007 жылы өз ресурстарына қолжетімділікті ашқан электрондық кітапхананың интернеттегі қазақ контентін дамытуға қосқан үлесі зор. ҚазҰЭК қорын толтыруға және кеңейтуге еліміздің барлық кітапханалары, мемлекеттік және қоғамдық ұйымдар, авторлар атсалысуда. Қазіргі уақытта мазмұны 59 тілде 70 000-нан астам құжатты құрайды. Пайдаланушылар саны әлемнің 110 елінен 1 600 000-нан астам адамды құрап отыр.
Конгресске әлемнің түкпір-түкпірінен қатысып жатқан 200-ге жуық үздік постерлер арасында біздің ктіпхана ұжымының дайындаған плакаты ҚазҰЭК-тің ел үшін маңызы, Ұлттық мәдени мұраны сақтау және цифрландыру жайында жан-жақты мәлімет ұсынады.
Халықаралық іс шара қорытындысында «Ең үздік IFLA постері-2023» анықталып, жеңімпаздар жарияланады
