ИНТЕЛЛЕКТУАЛДЫ ҰРПАҚ
17 May 2023
ИНТЕЛЛЕКТУАЛДЫ ҰРПАҚ
16 мамыр күні Ұлттық академиялық кітапханада «Оқуға құштар мектеп» жобасы аясында «Интеллектуалды ұрпақ » тақырыбында дөңгелек үстел өтті. Шараның мақсаты: Қазіргі авторлардың шығармалары негізінде балалардың оқу мәдениетін қалыптастыру. Сонымен қатар тұжырымдаманы талдау, жазғы оқу тізімін жасауға ұсыныс беру.
Қазіргі балалар ақпараттық технологиялар дәуірінде өз саналарына жеңіл, шағын әрі қызықты әңгімелерді қабылдайды. Осыған орай, шара барысында заманауи әдебиеттерді оқу мәселелері талқыланады. ХХІ ғасыр ұрпақтары не оқиды? Қалай оқиды? Не үшін оқиды? деген өзекті мәселелер қарастырылады.
Дөңгелек үстелдің спикерлері: ақын, жазушы, манасшы, Қазақстанның еңбек сіңірген қайраткері Баянғали Әлімжанов, балалар жазушылары Серікбол Хасан, Олжас Қасым, Рүстем Сауытбай, Зәуре Төрехан, «Кел, балалар, оқылық!» журналының редакторы Майра Рахымбаева, ҚР Ұлттық академиялық кітапханасының директоры Ғазиза Нұрғалиева.
