2023 жылы 25 ақпан күні Қазақстан Республикасы Ұлттық академиялық кітапханасында «Оқитын әке» атты «Әке мен бала» жобасы аясында клубтың отырысы өтті
27 February 2023
2023 жылы 25 ақпан күні Қазақстан Республикасы Ұлттық академиялық кітапханасында «Оқитын әке» атты «Әке мен бала» жобасы аясында клубтың отырысы өтті. Шараның модераторы – тарихшы, саясаттанушы Жандос Каринбаев. Аталмыш шараға ғылыми және зиялы қауым өкілдері, журналистер, ұстаздар, кітапхана оқырмандары және отбасы мен келген ата-аналар: Айдосовтар, Бегімтаевтар, Нысановтар, Базарбаевтар отбасылары және спикерлер балалар жазушысы, журналист Серікбол Хасан, «Bilimland» компаниясының басқарушы директоры, academia.kz онлайн жобасының негізін қалаушыcы Нартай Әшім, № 38 мектеп-лицейінің директоры Кадиргазы Муканов, актер, жазушы, драматург, ҚР Еңбек сіңірген қайраткері Нартай Сауданбекұлы, Қазақстандық кәсіби подкастер Елдар Кұдайбергенов, кинорежиссер, қазақ анимация директоры, «Astana Film» жастар киностудиясының директоры Жәнібек Оразалы, "Арландар" футбол клубының директоры Фазылбек Әбсаттарұлы, журналист, оқытушы-аудармашы, веломарафоншы Ернат Мелсұлы, кәсіпкер Бақытжан Әкімбаев, техника ғылымдарының кандидаты Муталап Абсаттаров, түркітанушы, PhD Шыңғыс Бегімтаев сынды спикерлер қатысты. Клуб отырысында бала тәрбиесіндегі әкенің рөлі, ата-бабаларымыздың ұлттық құндылықтарындағы тәрбиесі, балалардың кітап оқуға деген қызығушылығын оятуда жаңа технологияларды пайдалану, балалармен бос уақытты өткізу, балалармен бірге кітап оқуға әкелерді тарту туралы мәселелер көтерілді. Айдосова Ақжарқынның «Жалғызым әкем» әні шырқалып, Нысанова Гүлсезім Саят Абеновтың «Әкелердің орны бөлек» өлеңін оқып, «Әке толғауы» күйі орындалды.
