Мақалада дәрілік шүйіншөптің (V. officinalis) зертханалық және екпе жағдайында өсіп-дамуына, морфогенезіне сипаттама берілген. Онтогенез барысындағы ботаникалық даму ерекшеліктері, тіршілік кезеңдері мәліметтер түрінде көрсетілген. Онтогенездік кезеңдері және дәрілік шүйіншөптің Оңтүстік Қазақстанда өсіру ерекшеліктері мен ұсыныстар беріліп, өсімдіктің жақсы өсіп дамуы үшін қандай топырақта және қандай алдыңғы дақылдан кейін егу керектігі анықталған.

Бұл мақалада шылаңдар (Potamogetonaceae Dum.) тұқымдасының туыстық және түрлік анықтағыш кілттері қазіргі таксономиялық жүйеге сәйкес мемлекеттік тілде берілген. Шылаңдар тұқымдасында 24 түрді қамтитын Шылаң, Руппия, Занникеллия 3 туыс бар.

Бүйрек жетіспеушілігі кезінде негізінен бүйрек ұлпаларының жұмысы бұзылады, соның салдарынан зат алмасу кезінде іріктелген улы заттардың ағзадан шығарылуы баяулайды. Ағзаның және мүшелердің физиологиялық күйіне диагностика жасауға бионүктелердің биофизикалық, физиологиялық көрсеткіштері жақсы ақпарат көзі болып табылады. Зерттеу жұмысына қалыпты және бүйрек ауруына шалдыққан оқушылар қатысты, бұл топтардағы оқушылардың ағза терісіндегі биологиялық активті нүктелердің температуралық көрсеткіштері зерттелді.

Мақалада "Қашағай шашу-шабақ өсіру шаруашылығы" РМҚК базасында өсірілетін, жасанды құрама жемдер: польшалық "Aller aqua" (бақылау тобы), "Қазақ қайта өңдеу және тамақ өнеркәсібі ғылыми-зерттеу институты" ЖШС жасаған құрама жем және "Қарағанды" жемдерімен (тәжірибе тобы) қоректендірілген тиляпия (Oreochromis niloticus) балықтарының жас шабақтарының кейбір мүшелеріне гистологиялық тұрғыдан баға берілген.

Шикізатта бар целюлоза биоконверсиясы мал шаруашылығында микробтық ақуыз бен пробиотиктермен байытылған жем өнімдерінің құндылығын арттыру үшін арналған. Бірлескен қатты фразалы ферменттеу кезіндегі екі микроорганизм топтары, бастапқы субстрат биоконверсия құралы болып табылады. Шикізатты қанттау - конверсиясының бірінші кезеңде жүзеге асырылатын Bacillus бактериясы болып табылады. Екіншіден, ол ақуыз продуценттерінің арнайы ашытқы штаммдары.

АӨК-де инновацияның дамуын тежейтін факторлар анықталған, тиімділігін бағалаудың негізгі ерекшеліктері және осыған қатысты көрсеткіштер жүйесі қарастырылған. АӨК-нде меншікті қаражаттың жетіспеуі, тозу дәрежесі, материалдық-техникалық базаның төмен деңгейі, ғылыми әлеует, технологиялық инновациялар нарығының даму дәрежесі, кәсіпорындардың инновациялық белсенділігінің төмендігі және т.б. АӨК инновациялық даму деңгейіне теріс әсерін тигізетін бірқатар факторлар анықталған.

Бұл мақалада Қазақстан территориясы бойынша 2005-2010 жылдардағы атмосфералық жауын-шашындардағы ауыр металдардың (кадмий, қорғасын, мыс, мышьяк) таралуының нәтижелері қарастырылған. 16 метеорологиялық станциялардағы атмосфералық жауын-шашынның химиялық құрамы бойынша мәліметтері қолданылған. Алматы қаласы гидрометеорологиялық мониторинг орталығының химия-аналитикалық зертханасы бөлімінен 2005 және 2010 жылдар аралығындағы орташаланған мәндері алынды.

Мақалада Жамбыл облысы үшін жылы және суық мерзімдер бойынша биоклиматтық индекстер қарастырылған. Құрастырылған интегралды биоклиматтық көрсеткіш негізінде аудандастыру жүргізілген. Жамбыл облысында жергілікті халықтың денсаулығына, тіршілік етуіне және жұмысқа қабілеттілігіне әсер ететін өте жайсыз биоклиматтық жағдайлар тіркелмеген. Дегенмен жайсыз климат жағдайы қаңтар, ақпан және шілде айларына сай келеді. Қазан және маусым айлары ең жайлы айлар болып саналады.

Мақалада Қазақстанның Солтүстік аумағындағы атмосфералық жауын-шашынның таралуының климаттық ерекшеліктері қарастырылған. Зерттеу жұмысы барысында осы аймақта орналасқан Павлодар, Астана, Петропавл, Көкшетау, Қостанай метеорологиялық станцияларының 1973-2012 жылдар аралығындағы мәліметтері қолданылған. Зерттеу аймағы бойынша атмосфералық жауын-шашынның көпжылдық көрсеткіштері мен зерттеу мәліметтері салыстырылды.

Мақалада ел экономикасы үшін маңызды болып табылатын мұнай-химия саласының дамуының мәселелері қарастырылады