Сәлеметсіз бе! Келесі әнші, күйшілердің регалилерін тауып бере аласыздар ма: Ардақ Исатаева Әділбек Атығаев Бағлан Бәбіжан Тілеулес Құрманғалиев Нұржан Жанпейісов Нұркен Әшіров Шолпан Даржанова Фазыл Тұтқабеков Талғат Әбуғазы Еркін Шүкіманов Мұрат Әбуғазы Ербол Айтбаев Әлімхан Жүзбаев Клара Төленбаева Талғат Мұқышев Рамазан Стамғазиев Сәрсенғали Жүзбаев Дәуренбек Әркенов Қазыбек Әдікеев Айгүл Үлкенбаева Ұлжан Байбосынова Айгүл Қосанова Батыржан Мықтыбаев Ерлан Рысқали Сәуле Жанпейісова
2016-05-15
Сәлеметсіз бе, құрметті оқырман! Сіздің сұранысыңыз бойынша әнші, күйшілердің регалилерімен тізім жіберіп отырмыз:
1. Айтбаев Ербол – әнші, ҚР Мәдениет қайраткері.
2. Атығаев Әділбек – күйші-сазгер,Қазақстанның еңбек сіңірген қайраткері, «Құрмет» орденінің иегері.
3. Әбуғазы Мұрат - күйші, өнер зерттеуші, Құрманғазы атындағы Қазақ Ұлттық консерваториясының доценті, ҚР Мәдениет қайраткері.
4. Әбуғазы Талғат - дәстүрлі әнші
5. Әдікеев Қазыбек – әнші,«Шабыт» халықаралық фестивалінің дипломанты, К.Әзірбаев атындағы «Шырқа, дауысым!» байқауының лауреаты.
6. Әркенов Дәуренбек – әнші,К. Әзірбаев атындағы, Ә. Қашаубаев атындағы республикалық ән байқауының дипломанты, «Шабыт» халықаралық фестивалінің жүлдегері, Ж. Елебеков атындағы республикалық екінші ән байқауының Гран-при иегері.
7. Әшіров Нүркен - күйші-сазгер, ҚР еңбек сіңірген қайраткері, халықаралық және республикалық байқаулардың лауреаты.
8. Байбосынова Ұлжан – жыршы, Ықылас атындағы музыкалық халық аспаптары музейінің директоры.
9. Бәбіжан Бағлан - дәстүрлі әнші, музыка зерттеуші.
10. Даржанова Шолпан – әнші, II Халықаралық «Шабыт» фестивалінің және республикалық К. Әзірбаев атындағы әншілер байқауының бас жүлдегері; Республикалық Ж. Елебеков атындағы әншілер байқауының лауреаты, Т. Жүргенов атындағы Қазақ Ұлттық өнер Академиясының аға оқытушысы.
11. Жанпейісов Нұржан – әнші, домбырашы, Т. Жүргенов атындағы Қазақ Ұлттық өнер академиясының «Дәстүрлі музыкалық өнер» кафедрасының аға оқытушысы, Қазақконцерт өнер бірлестігінің әншісі, ҚР Мәдениет қайраткері, ҚР «Тәуелсізідігіне 20-жыл» медалінің иегері.
12. Жанпейісова Сәуле – әнші, ҚР еңбек сіңірген қайраткері, «Жігер» фестивалінің, Әміре Қашаубаевтың атындағы және Мұхит Мерәұлы атындағы байқауларының жүлдегері, «Дарын» сыйлығының лауреаты.
13. Жүзбаев Әлімхан - күйші
14. Жүзбаев Сәрсенғали - күйші
15. Исатаева Ардақ – дәстүрлі әнші, ҚР Мәдениет қайраткері, Құрманғазы атындағы қазақ ұлттық консерваториясы Халық әні кафедрасының аға оқытушысы
16. Қосанова Айгүл – әнші,Әміре Қашаубаев пен Ғарифолла Құрманғалиев атындағы Республикалық конкурстың І-ші сыйлығының лауреаты. "Дарын" Мемлекеттік сыйлығының иегері.
17. Құрманғалиев Тілеулес – дәстүрлі әнші
18. Мұқышев Талғат - сыбызғышы, ҚР Мәдениет қайраткері, өнертану ғылымдарының кандидаты, Құрманғазы атындағы Қазақ Ұлттық консерваториясының доценті. Оңтүстік Кореяда өткен «Фири» халықаралық дәстүрлі музыка фестивалінің I-жүлдегері, Ресейде өткен «Курай» сыбызғышылар мен қурайшылар халықаралық конкурсының III-жүлдегері, Өзбекстанда өткен «Шарқ тароналары» халықаралық дәстүрлі музыка конкурс-фестивалінің лауреаты, Құрманғазының 175 жылдығында өткен «Құрманғазы және Ұлы Дала музыкасы» халықаралық дәстүрлі аспаптық музыка конкурс-фестивалінің жүлдегері, «Күй керуен» дәстүрлі аспаптық музыка халықаралық конкурс-фестивалінің II-жүлдегері.
19. Мықтыбаев Батыржан - күйші, Мемлекеттік «Дарын» Жастар сыйлығының иегері.
20. Рысқали Ерлан – әнші,республикалық байқаулардың лауреаты.
21. Стамғазиев Рамазан - әнші, Қазақстанның еңбек сіңірген артисі, Ә. Қашаубаев атындағы әншілер байқауының жеңімпазы, Т. Жүргенов атындағы Өнер академиясындағы Дәстүрлі ән кафедрасының меңгерушісі.
22. Төленбаева Клара - ҚР Президенті оркестрінің әншісі және Қазақ ұлттық өнер университетінде ұстаз.
23. Тұтқабеков Фазыл – күйші, халықаралық, республикалық күй фестивальдерінің лауреаты.
24. Үлкенбаева Айгүл – күйші-домбырашы, Қазақстанның еңбек сіңірген артисі, «Дарын » сыйлығының иегері.
25. Шүкіманов Еркін – әнші, ҚР Мәдениет қайраткері, Республикалық Ж. Елебеков атындағы әншілер байқауының, 2000 жылы халықаралық «Шабыт» фестивалінің, 2002 жылы республикалық Ә. Қашаубаев атындағы әншілер байқауының лауреаты.
Ізгі ниетпен, Виртуалды кітапханашы Альфия Ильясова
