«Мәдени мұра» бағдарламасы ұлттың бағалы құндылықтарының электрондық қорын құру мақсатымен жасалған. Осы қор ҚР Президенті Н.Ә. Назарбаевтың бастамасымен қабылданған "Мәдени мұра" бағдарламасы бойынша баспалардан шыққан кітаптардың электрондық көшiрмелерiнiң сақтау қоры болып табылады. Қордың көлемін тарих, археология, этнография, халық әдебиетінің озық үлгілері мен мемлекеттік тілдегі жазбалар, сондай-ақ заманауи анықтамалық басылымдардан тұратын 500 сандық кітаптар құрайды.
«Қазақстан кітапханаларындағы сирек қолжазбалар» өткен жылдардағы (XIX ғасырдан 1940 жылға дейiнгі) жалпы мәдениет пен ғылыми маңыздылыққа ие араб және орыс тілдеріндегі 1217 қолжазбадан тұрады. Осы электрондық қорды құрастыруда елдiң облыстық әмбебап кiтапханалары, ғылыми кiтапханалары мен жетекші ЖОО-ның кітапханалары ат салысты.
Баға жетпес даналарды Деректер қорына орналастыруға алғашқылардың бiрі болып Алматыдағы Ұлттық кітапхана, Л.Н. Гумилев атындағы Еуразия ұлттық университетінің «Отырар кітапханасы» ғылыми орталығы және Қазақстан Республикасының Қостанай, Қарағанды, Атырау, Батыс Қазақстан, Қызылорда, Паволодар өңірлеріндегі ғылыми әмбебап кітапханалары берді. Берілген басылымдар өлке тарихы, дiн, мәдениет, әдебиет және тiл бiлімі, флора және фауна, гидрология, балық шаруашылығы мен мал шаруашылығы, жер пайдалану және т.б. тақырыптарды қамтиды.
Кiтапханашылар өткен жылдардың кiтаптарын сандық форматқа ауыстыру арқылы, оларға «жаңа өмір» сыйлады. Енді бұл кітаптар порталдың барлық қолданушыларына қол жетімді және Қазақстан тарихының бөлшегі болып табылады. «Сирек шетел қолжазбалары» XVII ғасырдан 1940 жылға дейінгі ҚРҰАК қорының ғана емес, шетел кітапханалары қорындағы басылымдардың да е-көшірмелерін ұсынады.
«Казахстандық» - Қазақстан туралы, оның қоғамдық, саяси, экономикалық және мәдени өмiрi туралы бiлiмдердiң барлық салаларына арналған толық мәлiметтi қамтып көрсетедi. Сандық түрге ауыстыру үшін қорды жоба қатысушылары өз ықыласымен ұсынды, олар - ЖОО-ның ғылыми кітапханалары, мұрағаттар, мұражайлар, қоғамдық қорлар. Сонымен қатар, электронды ресурстарды қалыптастыруға қазақстандық жазушылар, қоғам қайраткерлері, ғалым-зерттеушілер, баспагерлер, Қазақстанның жетекші ЖОО-ның профессорлар мен оқытушылар құрамы қолдау көрсетеді.
«Қазақстан Халқы Ассамблеясы» - Қазақстан Халқы Ассамблеясының (ҚХА) жанындағы ғылыми-сарапшылық кеңестiң мүшелерiнiң еңбектерiнiң электрондық көшiрмелерінен тұрады. Ғылыми-практикалық құндылықтар ҚХА азаматтық қоғамның бірегей институтының қызметін баяндайтын ғылыми конференциялардың материалдарын, альбомдар мен кестелерді ұсынады. Қор 200 кітаптың е-көшірмелерінен тұрады.
«Ауылшаруашылық әдебиеттері» - Қазақстанның ауылшаруашылық саласының басылымдары, сондай-ақ Республикалық ауылшаруашылық кітапханасы қорының ғылыми еңбектері.
«Авторефераттар мен диссертациялар» - 14308 библиографиялық жазбалар, оның ішінде 300 қазақстандық диссертациялардың е-көшірмелері бар (толық мәтіндердің библиографиялық сипаттамасы ҚҰРАК локальды желісінде ғана қол жетімді).
«Университет хабаршылары» - Қазақстандағы жетекші ЖОО-ның профессорлар-оқытушылар құрамының аналитикалық мақалалары, ғылыми зерттеу еңбектерінен құралған 200-ден аса басылымдар.