Кітап алмасу қоры (КАҚ) дублетті және кітапхананың негізгі қорына сәйкес келмейтін басылымдар мен кітаптардан құралған, олар сый, қайырымдылық көмек, заңды және жеке тұлғалардан, таратылатын кітапханалар қорынан және басқа көздерден түскен кітаптар. КАҚ-на 13791 атаудан тұратын мазмұны жағынан әмбебап және түрлері алуан қазақ, орыс және шет тілдеріндегі басылымдар кіреді. Онда көркем әдебиет және қоғамдық-гуманитарлық ғылымдар басылымдары басым.
Мемлекетаралық және халықаралық кітап алмасу Қазақстан Республикасы Ұлттық академиялық кітапхана қорын ғылыми- ағартушылық, құқықтық, техникалық, мәдени-ақпараттық тұрғыдағы басылымдармен толықтыруын қамтамасыз етеді. Республикамыздың қоғамдық-саяси, ғылыми-техникалық және мәдени өмірін ашатын Отандық басылымдардың таралуына ықпал етеді. Қазақстанның аймақтық кітапханалары мен мекемелерінде кітап қорын алыс-жақын жерлерде тұратын қандастарымызды орыс және қазақ тілдерінде шығатын құжаттармен толықтыруды жүзеге асырады. Халықаралық кітап алмасу Келісім-шарт негізінде кітап алмасу «кітапқа кітап» эквивалент есебімен жүзеге асырылады.