«Әке мен бала» клубы – отбасы құндылықтарын дәріптеп, кітап оқу мәдениетін нығайтатын әрі әке мен бала арасындағы рухани байланысты тереңдетуге бағытталған маңызды жоба. Жобаның мақсаты – бала тәрбиесіндегі әкенің рөлін арттырып, әкелерді балаларымен бірге кітап оқуға және рухани дамуға ынталандыру.
Клуб отырысында баланы тәрбиелеудегі әкенің рөлі, ата-бабаларымыздың ұлттық құндылықтарын тәрбиелеу, балалардың оқуға деген қызығушылығын ояту үшін жаңа технологияларды қолдану, балалармен бос уақыт өткізу, сондай-ақ әкелерді балалармен бірге оқуға тарту мәселелері қарастырылады. Клуб жұмысына ғылыми және шығармашылық зиялы қауым өкілдері, кітапхана оқырмандары, ата-аналар, балалар, оқытушылар қатысады.
Жоба 2023 жылдан бері тұрақты түрде жүзеге асырылып келеді. Кездесулер екі айда бір рет өткізіледі. Клубтын бірінші жүргізушісі – Жандос Каринбаев, тарихшы, саясаттанушы. Қазіргі уақытта клуб жүргізушісі – журналист Ернат Рахметолла.
Клуб ашылған күннен бастап бірқатар мазмұнды іс-шаралар өткізілді. Атап айтқанда, «Оқитын әке», «Әке - бала көзімен», «Кітаппен спорт», «Әкеге алғыс», «Кітап және цифрлы әлем», «Кітап және қазақ тілді контент», «Әке үлгісі - оқырман бала». тақырыптарындағы кездесулер, шығармаларды талдау, «Әкеммен оқыған бір кітап» атты READx форматындағы мерекелік және танымдық іс-шаралар ұйымдастырылып келеді. Клуб кітапхана оқырмандарының қызығушылығын оятып, кең танымалдылыққа ие.
2026 ж. клубтың жоспары
|
«Кітап және жасанды интеллект» |
ақпан |
|
«Батылдық мектебі» |
сәуір |
|
«Әке ізімен», Қазақстандағы әкелеркүніне арналған іс-шара. |
маусым |
|
«Балам тұлға болсын десеңіз... » |
қыркүйек |
|
«Әке бейнесі – әдебиетте» |
қараша |