Ұлттық академиялық кітапханасында Мемлекет және қоғам қайраткері, академик, филология ғылымдарының докторы, профессор, елші-дипломат Әділ Ахметтің «Жаһанданған әлемнің геосаяси келбеті» және «Викиңдердің ізімен» атты кітаптарының тұсаукесері өтті.

04 Желтоқсан 2023

Ұлттық академиялық кітапханасында Мемлекет және қоғам қайраткері, академик, филология ғылымдарының докторы, профессор, елші-дипломат Әділ Ахметтің «Жаһанданған әлемнің геосаяси келбеті» және «Викиңдердің ізімен» атты кітаптарының тұсаукесері өтті.

«Жаһанданған әлемнің геосаяси келбеті» атты монографияға Әділ Құрманжанұлының күллі әлемге танымал саясаткерлер мен Нобель сыйлығы иегерлерінің жаһанданған бүгінгі әлемнің геосаяси келбетін айшықтайтын бірегей туындыларын сараптауға бағытталған эсселері мен мақалалар топтамасы енгізілген. Кітап мемлекет қызметкерлеріне, саясаткерлерге, дипломаттарға және халықаралық қатынастар саласында маманданып жүрген жоғары оқу орындарының магистранттары мен доктаранттарына арналады.

Ал, жаңадан жарық көрген «Викиңдердің ізімен» кітабында профессор байырғы скифия мен викиң өркениеттеріне деген жаңа көзғарасты көкейге қонымды дәлелдер мен дәйектерге сүйене отырып, әлем ғалымдары жүргізген ғылыми зерттеу жұмыстарының нәтижелеріне табан тірейді.

Антропология, археология, палеонтология, генетика, тарих, палеогеография, палеогеология, палеолингвистика салаларының басын бір нүктеге біріктіретін антропогендік ғылыми арна бүгінгі таңда ДНҚ- генеалогия сынды жас өркен жаңа ғылыми бағытпен толығып отыр. Енді міне, сол аталған жаңа ғылым саласының нәтижелері де осыдан 40000 жыл бұрын Америка материктеріне Алтайдан қоныс аударған түбі түркі «үндістердің» ғана емес, байырғы скандинавиялық викиңдердің де ежелгі Скифиядан тамыр тартатынына жөн сілтеп отыр.  Кітапта Әділ Құрманжанұлы байырғы скандинавиялық викиңдер жөнінде әлемде қалыптасқан гипотезалық пайымдар мен пікірлерге, олардың ғылыми негіздеріне жан-жақты тоқталады. Екі кітап та ғалымның ұзақ жылдар бойы тынымсыз зерттеуінің жемісі.

Шара модераторы – Қазақстан Республикасы Парламенті Сенатының депутаты Дархан Қыдырәлі қоғам қайраткерінің қос кітабының мән- маңызына тоқталып, тәжірибелі саясаткердің бұдан бұрынғы еңбектерінде де  әлемнің геосаяси келбеті мен ондағы еліміздің орны жайлы сараптамалық ойлар жинақталғанын алға тартты.

Шараға белгілі ғалымдар, қоғам және мемлекет қайраткерлері, БАҚ өкілдері, журналистер, оқырмандар  қатысты.

Іс-шаралар күнтізбесі

30
Сәуір

15:00

Халықаралық ғылыми конференция: "Махтумкули Фраги поэзиясы – түркі әдебиетінің алтын қазынасы" Түркі әлемінің ақыны және ойшылы Махтумкули Фраганың 300 жылдығына орай

Конституция залы

8-(7172)-47-26-75

27
Сәуір

15:00

Speaking Club. Ағылшын тілі

М. Мақатаев залы

8-(7172)-47-26-75