ҚР Ұлттық академиялық кітапханасында ТҮРКСОЙ халықаралық ұйымының мерейтойлық білім беру аясында «ТҮРКСОЙ: ынтымақтастық пен жасампаздыққа 30 жыл» атты халықаралық кітап-иллюстрациялық көрмесінің ашылуы өтті.

Көрмеге ТҮРКСОЙ халықаралық ұйымының құрылғанына 30 жыл толуы қарсаңында жарияланған түркітілдес авторлардың шығармалары, балалар әдебиетінің иллюстрацияланған басылымдары, оқырмандардың кең ауқымына арналған ғылыми-көпшілік кітаптар ұсынылды.

Аталмыш шараға ТҮРКСОЙ Бас хатшысы Раев Сұлтан Акимович, «Отандастар Қоры» коммерциялық емес акционерлік қоғамының президенті Абзал Сапарбекұлы, Қыргыз Республикасының Елшісінің орынбасары, Өзбекістанның Төтенші және Өкілетті Елшісінің көмекшісі, Юнус Эмре атындағы түрік мәдени орталығының директоры Алмагүл Исина, профессор, түрколог, ғалым, филолог, Түркітану және алтайтану ғылыми-зерттеу орталығының директоры Қаржаубай Сартқожаұлы, мемлекет және қоғам қайраткері, тіл маманы, филология ғылымдарының докторы, ҚР ҰҒА академигі Шерубай Құрманбайұлы,  ҚР  Тұңғыш Президенті кітапханасының қызметкерлері студенттер мен кітапхана оқырмандары қатысты.