ҚР Ұлттық академиялық кітапханасына Тұңғыш Президент музейі» Корпоративтік қорының қызметкерлері арнайы келді.

Кездесу барысында кітапхана  директоры Ғазиза Құдайбергенқызы мен «Тұңғыш Президент музейі» Корпоративтік қорының басшысы Күләйша Қабдуәліқызы тиімді ақпарат алмасу жүйесін құру, кәсіби қарым- қатынысты жаңа деңгейде жалғастыру, рухани құндылықтарды бірлесіп сақтау мен дамыту  мақсатында Ынтымақтастық туралы меморандумға қол қойды.

«Мәдени, рухани әріптестікті нығайту мақсатында ұйымдастырылып отырған кездесудің маңызы зор.  Тұңғыш Президент мұражайы ағартушылық қызмет аясында талай тағылымды жұмыстар атқарып келеді. Алдағы уақытта  тәуелсіз елдің қалыптасу және нығаю жолында бірлескен жобаларды тиімді іске асырамыз деп сенемін»- деді Күләйша Қабдуәліқызы.

Өз кезегінде сөз алған кітапхана директоры Ғазиза Құдайбергенқызы кітапхананың халықаралық «Әлем жады» бағдарламасына төрағалық етіп отырғанын тілге тиек етіп, бұл ынтымақтастықтың өзге елге нақты деректер ұсынудағы тиімділігі мен  коллаборация – ортақ мақсаттарға жету  жолдарына тоқталды.

Сонымен қатар қонақтар кітапханаға экскурcия жасап, тыныс- тіршілігімен танысты.