2024 жылдың ақпан айында Ұлттық академиялық кітапханасы  әл-Фараби атындағы Қазақ ұлттық университетімен ынтымақтастық  меморандум жасасты, кітап қорына 500 дана  жаңа кітаптар мен құжаттардың е-көшірмелері түсті.

Сонымен қатар кітапхана қоры Темірбек Жүргенов атындағы Қазақ ұлттық өнер академиясы мен Ахмет Байтұрсынов атындағы Тіл білімі институтынан ұсынған жаңа кітаптармен толықты.

 Қазақ ұлттық университет қызметінің барлық салалары бойынша шығарылған ғылыми, оқу, әдістемелік әдебиеттерімен бөлісіп, «Орта Азия көшпелілері сөздігі», «Хаттарды зерттеу: қазақ қоғамының тарихы мен мәдениеті», «Көне түркі әдебиеті», Қабаттардың мұнай бергіштігін арттыру техникасы мен технологиясы», «Педагогикалық өлшемдердің теориялық негіздері сияқты әдебиеттерді кітапханамызға сыйға берді.

Кітапхана қорының өсуіне өз үлесін  қосқан жандардың бірі – кітап шығару жұмысына қатысты ұзақ жылдық тәжірибесі бар, кітап жанашыры Қалу Сейітұлы  мотивациялық, психологиялық бағытта жазылған кітаптарды тарту етті.  Жібек жолы бойындағы ақша қатынастары туралы «Деньги на «Шелковом пути»(территория Казахстана, ХІІІ-ХІV) атты бар болғаны 170 данамен  Орталық мемлекеттік музейі басып шыққан маңызды монография оқырманның ұлт тарихына деген қызығушылығын арттырары сөзсіз.