Пост- релиз

ҚР Ұлттық академиялық кітапханасында Перу жазушысы Сантьяго Ронкальоломен шығармашылық кездесу өтті.

Жазушының шығармашылық кездесуі кітапхананың Испания Корольдігінің Елшілігімен және Фолианд баспасымен бірлескен жобасы аясында өтуде. Жоба қазақ аудиториясын шығармалары қазақ тіліне аударылып жүрген испан жазушылармен таныстыру мақсатында 2022 жылдан бері жүзеге асырылып келеді.

Сантьяго Ронкальоло – 1975 жылы Мирафлорес, Лима провинциясында дүниеге келген. Заманауи Перу жазушысы, журналист, драматург, аудармашы, сценарист.

Белгілі журналист, әлеуметтанушы, саяси қайраткер Рафаэль Ронкальолоның ұлы. Жазушының балалық шағы Мексикада өткен. Перу жеке католиктік университетін «әдебиет және тіл білімі» мамандығы бойынша бітірген. 2000 жылы Испанияға қоныс аударып, Мадридте тұрып, қазіргі уақытта Барселонада тұрады.

2010 жылы британдық Granta журналы Ронкальолоны испан тілінде ең қызықты жазатын және 35 жасқа дейінгі 22 автордың қатарына қосқан (Аргентиналық Саманта Швеблинмен бірге).

Қазіргі Перу әдебиеті әлемдік әдеби кеңістікте лайықты орын ала бастады және оның бүгінде жарқын өкілдерінің бірі Сантьяго Ронкальоло. Оның әдеби сабақтастығы романдарында ғана емес, сонымен қатар оны балалар әдебиетіндегі кітаптарында да, пьесаларынан да және фильм сценарийлерінде көруге болады,

өйткені бар қабілеті мен әмбебап талантын таныта көрсете білген дарын иесі. Өзінің романтикалық аспектісінде ол ойнайтын кез келген жанрды толықтыратын артықшылықты көрсететін тамаша жазушы деп тани аламыз.

Кездесуге қатысушылар жазушының шығармашылық жолымен жан-жақты танысты. Қадірлі қонақпен сұхбаттасып, жаңа кітаптары мен алдағы жоспарлары туралы сұрады. Мектеп және колледж оқушылары, жоғары оқу орындарының студенттері Сантьяго Ронкальоломен қазақ, испан және ағылшын тілдерінде еркін сөйлесіп, сұрақтар қойды.

 Жазушымен кездесу оқырмандарға шетелдік әдеби кеңістікте жаңа есімді тануға мүмкіндік берді. Жуырда «Фолиант» баспасымен ынтымақтастық аясында Сантьяго Ронкальолоның кітаптары қазақ тілінде жарық көреді.

Шараға шет мемлекеттердің дипломатиялық корпусының, Қазақстанның ғылыми және шығармашылық зиялы қауымының өкілдері, олардың ішінде Испания Корольдігінің Төтенше және Өкілетті Елшісі Хорхе Урбиола Лопес де Черногория, жазушы Өтен Ахмет, «Фолиант» баспасының басшысы - Нұрлан Исабеков,

оқушылар және студенттер, оқырмандар мен кітапханашылар қатысты.