ҚР Ұлттық Академиялық кітапханасында ҚР Ұлттық Ғылым Академиясы мен Qalan жобасының қолдауымен жарыққа шыққан «Әл-Жәбрдің атасы» атты ғылыми-танымдық журналының тұсаукесері өтті.

20 Қараша 2023

ҚР Ұлттық Академиялық кітапханасында ҚР Ұлттық Ғылым Академиясы мен Qalan жобасының қолдауымен жарыққа шыққан  «Әл-Жәбрдің атасы» атты ғылыми-танымдық журналының  тұсаукесері өтті. 

Белгілі математик ғалым Асқар Жұмаділдаевтің идеясымен жарық көрген балаларға, жасөспірімдер және ұстаздарға арналған жаңа басылым ғылым мен білімді насихаттайды. Журналдың бас редакторы, ҚР Президенті жанындағы Ұлттық ғылым академиясының вице-президенті Асқар Серқұлұлының  жаңа ғылыми-танымдық басылымды шығаруына ықпал еткен ертеректегі  «Білім және еңбек» журналының ізгілікті  ізі. Алғашқы саны  1960 жылы жарыққа шыққан, қазақ қоғамына жаңаша көзқарас, ғылыми тыныс-тіршілік алып келген  ана тіліміздегі атақты басылым талай мемлекет және қоғам қайраткерілерінің бедел биігіндегі бағдаршамы болды. 

Ғылыми басылымның  «Әл-Жәбрдің атасы» деп аталуы – алгебраның атасы Мұхаммед әл-Хорезмидің «Әл-Жәбр» деген еңбегімен байланысты.  Журналдың негізгі мақсаты - жасөспірімдердің ғылымға деген құштарлығын оятып, білімге, өркениетке баулу. Сондықтан, басымдық математика ғылымына, технологияның заманауи жетістіктеріне бағытталған. Журнал екі айда бір шығып тұрады.

Алғашқы саны 2 мың данамен жарық көрген журнал редакциясында білікті мамандар, ғалымдар мен журналист-редакторлар жұмыс істейді.  
 

Сонымен қатар, басылым «Ұлы тұлғалар», «Ғылым қазығы», «Тісбасар», «Маман бол», «Қатені тап» және басқа қызықты айдарлар арқылы қалың оқырман назарын аудармақ.

Журнал қазақ тілінің ғылыми терминологиясына да үлес қоспақ.  Жаңа басылымды бас редактор Асқар Жұмаділдаевтің өзі және «Qalan Publishing» редакциясының құрамы келіп таныстырды.  Журналдың тұсаукесеріне ғалымдар, зиялы қауым өкілдері, мұғалімдер, оқырмандар қатысты. Шарада сөз алған Қазақстан Республикасы Президентінің кеңесшісі Берік Уәли, ҚР Оқу-ағарту министрі Ғани Бейсембаев, ҚР Парламенті Мәжілісінің депутаты Асхат Аймағанбетов  сынды құрметті қонақтар басылымның ұлт болашағына тигізер зор пайдасына тоқталып, жаңа журнал ұжымына сәттілік тіледі.

Іс-шаралар күнтізбесі

22
May

10:00

Елшілердің жұбайларының клуб отырысы

Фариза Оңғарсынова залы

24
May

15:00

Дөңгелек үстел: «Бар байлығым – кітаптарым» Мемлекет және қоғам қайраткері Мырзатай Жолдасбековтың шығармашылығына арналған

М. Жолдасбеков залы