Кітапханамызда 13 наурыз күні ақын, халықаралық «Шабыт» фестивалінің Гран-при иегері Ербол Алшынбайдың  «Жоғалған таулар» кітабының тұсаукесері өтті.

«Жоғалған таулар» кітабының  тұсауын Несіпбек Айтұлы, Берік Уәли, Тұрсын Жұртбай, Ғалым Жайлыбай, Сұраған Рахметұлы және Светқали Нұржан кесті. Ақынның тұсауы кесілген «Жоғалған таулар» жинағына  оқырманның мейірі қанатын, ағынды жырлары енген.

Шараға зиялы қауым өкілдері, өлең сүйер оқырман қатысты. Кеш барысында кітап туралы, өлең және шығармашылық жөнінде автор мен жүргізуші Жанат Жаңқашұлы арасында шағын сұхбат өрбіді.