Кітапханада өткен сенбіде «Алқа» әдеби-мәдени клубының ұйымдастыруымен  «Халықаралық Қаныш Сәтбаев қоры» қамқоршылар кеңесінің төрағасы, ҚР ҰҒА-ның академигі, химия ғылымдарының докторы, профессор Алтынбек Нұхұлының жүргізуімен «Қазақты көргің келсе, Қанышты таны!» тақырыбында лекция өтті.

      Кездесуде Академик Қаныш Сәтбаевтың қазақ ғылымы мен руханиятындағы орны мен саналы ғұмыры туралы сөз болды. Қаныш бейнесін жастардың санасына  сіңіртуді мақсат еткен дәріске  зиялы қауым өкілдері, студенттер мен оқырмандар қатысты.