Қазақстан Республикасының Ұлттық академиялық кітапханасының  ұйымдастыруымен 1 қыркүйек  - Білім күніне орай «Білімнің кілтін іздесең..» атты  ашық есік күні өтті.  

Шараның мақсаты- Білім күнінің маңызын, кітапхана - білімнің ордасы екенін ұғындыру. 

Ашық есік күні аясында  «Кітап – білімнің кілті» атты кітап көрмесі ұйымдастырылды.  Көрмеге тарихи және танымдық әдебиеттер, бабалардан қалған асыл сөздер, балаларға арналған энциклопедиялар және т.б жаңа әдеби кітаптар қойылды. 

Жиналғандар «Өлең, мен сені аялап өтем!» атты  поэзия сағатында ақын, балалар жазушысы Баянғали Әлімжанов пен ақын Құралай Омармен кездесіп, сұхбаттасты.  Өлеңдер оқылып, кітап оқудың артықшылықтары сөз болды. 

Сонымен қатар, оқушылар арасында «Көшбасшы» интеллектуалды ойыны,  «Сыңғырла, алғашқы қоңырау!» атты ашық сабақтар  ұйымдастырылды.

          ҚР Ұлттық академиялық кітапханасы мен  РФ Б.Н.Ельцин атындағы Президенттік кітапханасы арасындағы  ынтымақтастықтың негізінде бейне байланыс конференциясы өтті. Шара соңында оқушыларға «Қорғаушылар» атты кинокөрсетілім ұсынылды.

      Білім күніне орай өткен іс-шараға 225 адам қатысты. Оның ішінде елімізге белгілі ақын-жазушылар, студенттер, оқушылар, оқырмандар болды.