Қазақстан Республикасының Ұлттық академиялық кітапханасында белгілі поляк жазушысы, футуролог және философ Станислав Лемнің шығармалары негізіндегі иллюстрациялық көрменің ашылуы өтті.

05 Желтоқсан 2023

Қазақстан Республикасының Ұлттық академиялық кітапханасында белгілі поляк жазушысы, футуролог және философ Станислав Лемнің шығармалары негізіндегі иллюстрациялық көрменің ашылуы өтті. 

Станислав Лемнің шығармалары 50-ден астам тілге аударылып, 40 миллиондай жұмысы сатылған. Виртуалды шындықтың, жасанды интеллекттің жасалуын болжаған, «Технология қосындысы» философиялық еңбегінің авторы адамның автоэволюциясы, жасанды дүниелерді жасау және т.б. идеяларын дамытты.

Иллюстрациялардың авторы - поляк графикасының суретшісі Даниэль Мруз.  Ол Станислав Лем шығармаларының иллюстраторы ретінде көпшілікке танылды. Даниэль Мруз өзінің ерекше стилінде сюрреальдық гротескпен жұмыс істеді. Онда ол қалам мен сияны, коллаж техникасын пайдаланды. Жазушының өзі суретші туралы былай дейді: «...Оның кез келген шығармасының өзгермейтін және ажырамас қасиеті – әзіл. Даниэль Мрузды барлық ғылыми фантастикалық суретшілер мен иллюстраторлардан ерекшелендіретін де – осы қасиеті».

Кітапханадағы көрме Польша Республикасының Қазақстан Республикасындағы Елшілігімен бірлесіп ашылды. Көрмеде сонымен қатар фантаст жазушы шығармаларынан ашық хаттар оқылып, «Ұшқыш Пиркстің сауалы» фильмі көрсетілді. Сондай-ақ кітапхана оқырмандары арасында жоғары технологиялар әлеміндегі адамның болашағы туралы пікірталас ұйымдастырылды.

Көрме сахналық қойылыммен ашылды.Көрме лентасын Польша Республикасының Елшісі Томаш Коллад пен Қазақстан Республикасы Ұлттық академиялық кітапханасының меңгерушісі Ғазиза Нұрғалиева қиды.  Екі тарап мәдени-гуманитарлық ынтымақтастықты одан әрі жалғастыру және поляк тілін оқытатын поляк клубын ашу, Польшаның қазіргі жазушыларын оқырмандармен кездесуге шақыру, қазіргі поляк авторларының шығармаларын Поляк тіліне аудару сынды жұмыстарды бірлесе ұйымдастыру туралы келісімге келді. Шараға Астана қаласындағы жоғары оқу орындарының студенттері, оқырмандар мен кітапханашылар қатысты. 

 

 

Іс-шаралар күнтізбесі

29
Ақпан

09:00

"Шетел әдебиетінің әуескойлар клубы" кітапханадағы клубының отырысы

Шетел әдебиеті залы

8-(7172)-47-26-75

01
Наурыз

10:00

1 наурыз Алғыс айту күніне арналған мерекелік іс-шара

2 қабат, фойе

8-(7172)-47-26-75