Қазақстан Республикасы Ұлттық  академиялық кітапханасында Ы.Алтынсариннің 185 жылдығына орай "ҒАСЫРЛАР ПЕРНЕСІ" атты шығармашылық кеш болып өтті.

Кітапханада Ы.Алтынсариннің 185 жылдығына орай  "ҒАСЫРЛАР ПЕРНЕСІ" атты шығармашылық кеш өтті.

Шығармашылық кеш Астана қаласы  Білім басқармасы Әдістемелік Орталығы және  Шымкент қаласы "Ғажайып Қазақстан 2050" газет-журнал  ұжымымен бірлесіп ұйымдастырылды.

Кеш барысында Л.Н.Гумилев атындағы ЕҰУ, «Ел тарихы» ғылыми-зерттеу орталығының аға ғылыми қызметкері, п.ғ.к., қауымдастырылған профессор Сейітқали Дүйсен, ҚР білім беру ісінің үздігі, Ы.Алтынсарин төсбелгісінің иегері, "Қазақ тілі " оқулықтарының авторы  Сара Жуманова  баяндама жасады.

Өнер мектебінің ұстаздарынан құрылған фольклорлық ансамблі "Ұстаздардың ұстасы" атанған Оспан Сүлейменұлына арналған Қайырғали Әбішевтің "Ғасыр пернесі" атты шығармасын орындады.

Шығармашылық кеш қонағы  қоғам қайраткері, ағартушы-ұстаз , Алтынсарин , Байтұрсынов медалінің иегері Оспан қажы Сүлейменұлы сөз сөйлеп,  көрермендерге алғысын білдірді.

Шығармашылық кешке Қ.Сатпаев атындағы №61 орта мектеп-лицейінің Ұлт аспаптар оркестрі, ұстаз-ғалымдар және өнер иелері қатысты.