Қазақстан Республикасының Ұлттық академиялық кітапханасындажазушы,әдебиетші, кинодраматург Айгүл Кемелбаеваның шығармашылығына арналған «ҚАЗІРГІ ЗАМАННЫҢ ПРОЗАСЫ»  атты дөңгелек үстел өтті.

Шара барысында мемлекеттік кеңесші Ерлан Қариннің,  Мәдениет және ақпарат министрі Аида Балаеваның,  Қазақстан Жазушылар Одағы басқармасының төрағасы Мереке Құлкеновтің құттықтау хаттары табыс етілді.

Кештің құрметті қонақтары жазушы туралы, оның шығармашылық жетістіктері жайлы жылы лебіздерін білдірді.

Филология ғылымдарының докторы, профессорСерік Негимов:

«Айгүл Кемелбаеваның романдары, повестері, әңгімелері  әдебиеттануға, мифологияға, философияға, халықтық символдарға қатысты өте терең»,- деп баға берсе,жазушы, Халықаралық «Алаш» сыйлығының лауреаты Толымбек Әбдірайым: «Айгүл Кемелбаева есімі жалынның жабық бәйгесінде жарқ ете қалған болатын. Айгүл Мәскеуде оқығанда мүйізі қарағайдай тұлғалардан дәріс алып,  шет ел әдебиетімен сусындаған еді. Қазір елімізге танымал жазушы. «Шолпанның күнәсі» кино сценарийі ғажап. Ойлары тұжырымды. Бұл сценарий авторыныңда үлесі» деп тілегін білдірді.

Ақын Сұраған Рахметұлы жазушының «Рағид» әңгімесінің ерекшелігіне тоқталса, белгілі сыншы Амангелді Кеңшілік Айгүл Кемелбаева прозасының ерекшелігі ешкімге ұқсамайтынын, өзінің жаңа дәстүрімен келген жазушы екенін айтып өтті.

Жүргізуші ҚР Жазушылар  Одағы  Астана филиалының директоры ақын Бауыржан Бабажанұлы жазушыны  мерейтойымен құттықтады. Елмұра Мәдиқызы мен Айшагүл Манас әннен шашу шашты.

Шараға ақын-жазушылар және зиялы қауым өкілдері мен оқырмандар қатысты.