Ақын Шәкәрім Құдайбердіұлының

шығармашылығын балалар мен жасөспірімдер арасында насихаттау мақсатында өткізілетін II Республикалық «Шәкәрім оқулары»

байқауының жалпы ережеcі

Байқаудың мақсаты: қазақ халқының әдеби мұраларын дәріптеу, Шәкәрім шығармаларындағы эстетикалық талғам мен тұлғалық қасиеттерді, адами құндылықтарды насихаттау, ұлттың рухани мұрасына деген сүйіспеншілікке тәрбиелеу.

Байқау мемлекеттік тілде өтеді.

Байқау  екі кезең бойынша өткізіледі:

• облыстық
• республикалық

Қатысушыларға қойылатын талаптар:

• байқауға көркем сөз оқу шеберлігін игерген 4-11 сынып оқушылары қатыса алады;
• I Республикалық «Шәкәрім оқулары»  байқауының жеңімпаздары қатыса алмайды;

Көркемсөз оқу шеберлігін анықтау үшін төмендегідей талаптар қойылады:

• Шәкәрім шығармаларын жатқа мәнерлеп оқу;
• Шығарманы оқу уақыты 5 минуттан аспауы керек.

Қазылар алқасы шешім шығару барысында келесі критерийлерді басшылыққа алады:

1) өлеңді таңдау және оқу шеберлігі;

2) қазақ тілінің орфоэпиялық нормаларын сақтауы;

3) сахнада өнер көрсету мәдениеті және қазақтың ұлттық киім үлгісі.

Марапаттау тәртібі:

Облыстан іріктелген финалистер Астана қаласы, Ұлттық Академиялық кітапханасында бас қосады.

Конкурстың жеңімпаздары қазылар алқасының дауыс беру қорытындысы  бойынша анықталады.

Конкурс жеңімпаздары арнайы дипломдармен, алғыс хаттармен және сыйлықтармен марапатталады. Сонымен қатар, жеңімпаздардың жетекшілеріне  арнайы медаль және алғыс хаттар беріледі.

Жеңімпаздардың жатын орны мен жол шығынын жіберуші қамтамасыз етеді.

Жүлделер:

Бас жүлде  – Планшет Apple iPad 2021      

1-орын (біреу) – Ноутбук Asus Vivobook;

2-орын (біреу) – Смарт сағат Samsung;

3-орын (біреу) – Смартфон Samsung;

Арнайы ынталандыру сыйлықтары.

Байқаудың мерзімдері:  

Байқауды өткізу шарттары, тәртібі және мерзімі туралы ақпараттар ҚР Ұлттық академиялық кітапханасының әлеуметтік желідегі парақшалары мен сайтында 2024 жылғы 15 қаңтарға дейін жарияланады. Байқау қорытындысы 2024  жылдың  5 наурыз күні жарияланады.

Байланыс үшін:

Телефон:

8 705 581 53 44  Балжан Еркебаева,

8 771 572 13 77  Мадина Бекмурзаева.

Қосымша мәлімет алу үшін жоғарыда көрсетілген жауапты тұлғаларға хабарласуға болады.

Ұйымдастыру алқасы:  ҚР Ұлттық академиялық кітапханасы

                                            Adal as өндірістік компаниясы