3 наурыз күні ҚР Ұлттық академиялық кітапханада 8 наурыз Халықаралық әйелдер күніне орай «Нәзік әлем» кездесу кеші өтті.

Мақсаты – Халықаралық Әйелдер күнінде нәзік жанды Қазақстанның  қайраткер, іскер, шығармашыл зиялы әйелдерінің қоғамдағы рөлін көрсету, өмір және еңбек жолын, шығармаларын өскелең ұрпаққа, жастарға үлгі ету.

Кеште түрлі салада үздік деп танылып жүрген ханымдар бас қосты: журналист, тележүргізуші Айнұр Омар, ҚР Ұлттық архивінің директоры Сағила Нұрланова, Музейлер мен кітапханалар басқармасының басшысы Гүлзейнеп Пазылова, журналист Жадыра Шамұратова, журналист, Ikerim.kz сайтының бас редакторы, Qurbym shop брендінің авторы Қарашаш Есенбай, «Қазақстанның 100 жаңа есім» жобасының жеңімпазы, коллекционер-этнограф Баһаргүл Төлеген, журналист Алия Құдайберген.

Кездесу кешінде әдебиет, мәдениет, өнер, руханият жайлы мағыналы әңгіме өрбіді.