2024 жылдың 21-23 наурызында Гарвард университетінің Хоутон кітапханасында Орталық Азияның Кітап мәдениетіне арналған көрме қойылып, осы тақырып аясында ауқымды семинар өтті. 

02 Сәуір 2024

2024 жылдың 21-23 наурызында Гарвард университетінің Хоутон кітапханасында Орталық Азияның Кітап мәдениетіне арналған көрме қойылып, осы тақырып аясында ауқымды семинар өтті. 

Бұл іс-шарада Орталық Азияның баға жетпес таңдаулы туындыларынан тұратын Гарвард коллекциясындағы қолжазбалар ұсынылды. Семинардың мақсаты - осы сала ғалымдары мен сарапшылар арасындағы білім мен көзқарастардың, тәжірибелердің өзара алмасуына негізделген. Осы іс-шара арқылы Гарвард университетінің ғалымдары Орталық Азияның бай мәдени мұрасын түсінуді тереңдетуге тырысты, осылайша аймақты және оның қолжазба дәстүрін кеңірек академиялық зерттеуге ықпал етті.
Гарвард университетінің Шығыс Азия тілдері мен өркениеттері кафедрасы ғалымдарының арнайы шақыруы бойынша семинар жұмысында ҚР Ұлттық Академиялық кітапханасының ғылыми қызметкері, PhD докторы Шыңғыс Бегімтаев баяндама жасады.
Оның баяндамасы ұлттық маңызы бар кітапханаларға, мұражайларға, ел мұрағаттарына таралған кітап ескерткіштерінің жинағы бойынша жазбаша мұраға арналды. ҚР Ұлттық академиялық кітапханасы қорында араб, парсы, өзбек, татар, шағатай және жалпы түркі тілдеріндегі кітаптар мен қолжазбалар сақталған. Ш. Бегімтаевтың презентациясы мен баяндамасын семинар қатысушылары үлкен қызығушылықпен тыңдады. Қатысушылар осындай бастамалар арқылы мәдени өзара түсіністік тереңдей түседі және академиялық қоғамдастық пен қалың жұртшылық үшін баға жетпес ресурстар ұсынылады деген үмітте.

 Семинарда Қазақстаннан бөлек Түркия, Корей елдерінен келген сала мамандары, профессорлар, Гарвард университетінің қызметкерлері тақырып аясында пайдалы баяндамаларымен бөлісті. 

"Шетелге шығу - адамның зейінін ашып, көкжиегін кеңейтеді. Әйгілі Гарвард университетінде қазақ халқының өкілі болып баяндама оқу, оның ішінде, сирек мамандардың бірі (Шағатай тілінің маманы) болып өзімді шетелге танытудың пайдасы орасан зор.
Берлин, Гарвард кітапханаларының сирек кітаптар мен қолжазбалар бөлімінің ғалымдары біздің кітаптарға қызығушылық танытып, ары қарай бірге жұмыс істеу ниетін білдірді"- дейді ҚР Ұлттық академиялық кітапханасының ғылыми қызметкері Ш.Бегімтаев.

Іс-шаралар күнтізбесі

30
Сәуір

15:00

Халықаралық ғылыми конференция: "Махтумкули Фраги поэзиясы – түркі әдебиетінің алтын қазынасы" Түркі әлемінің ақыны және ойшылы Махтумкули Фраганың 300 жылдығына орай

Конституция залы

8-(7172)-47-26-75

27
Сәуір

15:00

Speaking Club. Ағылшын тілі

М. Мақатаев залы

8-(7172)-47-26-75