14 сәуірде  ҚР Ұлттық академиялық кітапханасының М.Мақатаев залында жазушы, Қазақстан Жазушылар одағының мүшесі, Халықаралық «Шабыт» фестивальінің Гран-при иегері Қанат Әбілқайырдың «Ағыраптағы аты жоқ адам» атты романының таныстырылымы өтті.

Роман Қазақстан Жазушылар одағының «Жас қалам – жаңа роман» жобасы аясында жарық көрген. Кітаптың жарық көруіне «Белес» құрылыс компаниясының басшысы Махат Төрәлі демеушілік жасаған.

«Ағыраптағы аты жоқ адам» – үй туралы роман. Қазіргі қазақтың басты құндылығы – баспана. Қаламгер шаңырағы шайқалған бір отбасының қанқұйлы тағдырын туындысына арқау ету арқылы үйсіздіктің азабын тартқан бүгінгі тұтас қоғамды шебер суреттеген.

Қанат Әбілқайыр қазақ әдебиетіне екі мыңыншы жылдардың басында келген. «Текес теріс ағады», «Көршінің қызы», «Қарағайлы күмбез», «Жылан кегі» атты кітаптардың авторы.

Шараға белгілі қоғам және мемлекет қайраткерлері, қаламгерлер,
БАҚ өкілдері, журналистер, оқырмандар  т. б. қатысты.