ҚР Ұлттық академиялық кітапханасында 20 қараша күні жазушы, Халықаралық әдеби «Алаш» сыйлығының иегері, Қазақстанның Құрметті жазушысы Әділбек Ыбырайымұлының Әділбек Ыбырайымұлының «Арзу» романы мен «Жалғыз жолаушы» атты хикаяттар мен әңгімелер жинақтарының таныстырылымы өтті.

 «Арзу» романында қазақ елінің қазіргі жай-күйі, ғарышты игеруі, жеріміздегі сирек металл мен дейтерий суы, оған қатысты әлемдік алпауыттардың тойымсыз пиғылы, діни наным-сенімнің етек алуы сияқты мәселелер қамтылған.

Ал туындының атауындағы «арзу» сөзі парсы тілінен енген. Мағынасы арман-тілек, қалау-ниет, құштарлық дегенді білдіреді.

Автордың «Жалғыз  жолаушы» кітабына бірнеше хикаяттар мен әңгімелер топтастырылған.

Кеш тізгінін ұстаған ақын, Қазақстан Жазушылар одағының Астана қалалық филиалының төрағасы Бауыржан Бабажанұлы қос кітап жайлы: 

- «Қаламгердің «Арзу» романы – ұрпақты ұлт тарихына, құндылықтарына мəн беруге үндейтін, парасат майданының парқын танытып, әдебиетті кісілік күмбезінің киесі деңгейіне апаратын туынды. Кітаптың сипаты да, мазмұны да төл әдебиетіміздегі үрдістен бөлек, тың. «Жалғыз жолаушы» кітабынды сан қилы тағдырлар баян етіліп, бүгінгі күннің бітім-болмысы, тыныс-тіршілігі шебер суреттелген. Қос жинақтың да тағлымдық мәні зор»- деп атап өтті.   

Рухани шараға Мемлекет және қоғам қайраткерлері, зиялы-қауым өкілдері, БАҚ өкілдері, ЖОО-ның студенттері мен кітапхана оқырмандары қатысты.