Бүгін Қазақстан Республикасы Мәдениет және ақпарат министрлігінің қолдауымен, Қазақстан Республикасының Ұлттық академиялық кітапханасының  ұйымдастыруымен Кітапханашылар күні  мерекесіне орай  өтіп жатқан республикалық «ЖАС КІТАПХАНАШЫ 2023: ЖАҢА МҮМКІНДІКТЕР УАҚЫТЫ» атты жастар лабораториясы қорытындыланды.

 «Altyn Qyran Foundation» қоғамдық қоры демеушілігімен өтіп жатқан жастар лабораториясына Қазақстанның 16 облысынан 42 жас кітапханашы, қоғам, ғылым, мәдениет, білім өкілдері қатысуда. 

Форумның алғашқы күні қатысушылар шараға қолдау көрсеткен Назарбаев Университеті, Л.Гумилев атындағы Еуразия ұлттық университеті, М.Нәрікбаев атындағы ҚазГЮУ университетінің Ғылыми кітапханаларына экскурция жасап, сала бойынша панельдік сессияларға, практикалық семинарларға қатысқан еді.

«Жас кітапханашы – 2023: жыл таңдауы» байқауына қатысқан үміткерлердің ішінен үздік деп танылған 10 маман өз жобаларын қорғап, бақ сынасты.

Форумның екінші күнінде қатысушылар ҚР Ұлттық кітапханасының директоры Ғ.Нұрғалиеваның жетекшілігімен өткен «Кітапхана индустриясындағы трендтер: әлеуметтік желіні стратегиялық қолдану және тиімді пайдалану» атты шеберлік сағатқа, кәсіби медиатор, бизнес-тренері Карамакина Динараның  

«Медиация жастар арасындағы араздықтың алдын алу құралы ретінде» атты практикалық семинарға, модератор – Вероника Балгарскаяның 

«Инклюзия - ПРИНЯТЬ нельзя ОТВЕРГНУТЬ» атты тренингіне қатысып, білімдерін жетілдірді.  

Кәсіби мамандардың жетекшілігімен «Кітапханадағы жасанды интеллект: мүмкіндік әлде қауіп?» тақырыбында дискуссиялық панель, «Заманауи кітапхананың келбеті» Форсайт-сессиясы, «Кітапханадағы әлемдік ақпараттық ресурстар» атты семинарлар форум аясында жан-жақты талқыланып, жас мамандар «QUIZ» интелектуалдар сайысына қатысты. Одан соң ашық микрофон ұйымдастырылып, жас кітапханашылар өзара пікір алмасты, жастар лобараториясынан алған әсерлерімен бөлісті.

Шараны қорытындылай келе, республикалық жастар лабораториясының резолюциясы қабылданды.

 «Жас кітапханашы – 2023: жыл таңдауы» республикалық байқауының қорытындысы жарияланып, жеңімпаздар анықталды. Байқау нәтижесі бойынша бас жүлде және «Dauletten»  қайырымдылық қоры ұсынған – Дубайға жолдаманы ШҚО балалар және жасөспірімдер кітапханасының жас маманы Дана Бөкенова жеңіп алды. Үздік жобаларымен ерекшеленген Құлпынай Жасарал, Айгерім Абдухалимова, Ұлжан Рахымғалиева және Жадыра Жасұлан арнайы жүлдемен марапатталды. Оларға арнайы дипломдар және жоба демеушісі «Altyn Qyran Foundation» қоғамдық қоры ұсынған 100 мың теңге сыйлық табысталды. Сондай-ақ, екі үміткер Астана қалалық кітапханалар жүйесі мен «Qalamger.kz» әдеби порталын тағайындаған арнайы сыйлықтарға ие болды.

Кітапхана саласына келген жастардың мамандыққа деген сүйіспеншілігін арттырып, кәсіби біліктілігін шыңдауды мақсат еткен шара биылекінші рет ұйымдыстырылып отыр.