"Әй, қыз, көзіңді аш!"  10 шілде күні Рейчел Холлистің «Cirl, wash your face» атты мотивациялық туындысының қазақша нұсқасы  «Әй, қыз, көзіңді аш!» атты кітаптың таныстырылымы өтті. 
Аудармашы Мира Сембайқызының еңбегімен жарыққа шыққан басылым әйел затын шабыттандырып қана қоймайды, сонымен қатар өзі айтып жүрген өтіріктерге сенбеуді үйретеді. 2019 жылы АҚШ-тағы ең көп оқылған үздік үш кітаптың бірі болған Рейчел Холлистің «Cirl, wash your face» атты мотивациялық кітабы қазақ тілінде сауатты контент дайындайтын «Alqa publishing» баспасынан жарық көрген. 
Рейчел Холлис «Әй, қыз, көзіңді аш» кітабында кез келген әйелдің, тіпті, ең жақын құрбысына айтуға батылы бармайтын сырын ашады. Әйелдердің өмірін өзгертіп келген 20 өтірікті тізіп, олармен күресудің жолын ойнақы, күлкілі, ең бастысы – жүрекке жылы тиер мейірімді оқиғалар арқылы суреттейді.