Кітапханада венгр жазушысы Геза Гардонидің (1863-1922)  «Ғұнның құлы» атты романының (қазақ тіліне аударылған нұсқасы) таныстырылымы өтті.

Шараны Q88 Аумақтарды тұрақты дамыту қауымдастығы Венгрияның Қазақстандағы Елшілігімен бірлесіп ұйымдастырды.

Атақты венгр жазушы Геза Гардонидің 1901 жылы жарық көрген  «Ғұндардың құлы» атты ғұндар туралы тарихи дәлдікпен жазылған шығармасы автордың әлемге танымал романы болып саналады. Кітап Аттила мен Ғұндар қайдан шыққаны, олардың қазақ халқына қандай қатысы бар, олар Еуропаға не үшін келген, Риммен соғысуының себебі неде деген сияқты көптеген пікірталастардың нәтижесінде  туған еңбек.

Бұл аударма – қазақ тілді оқырмандарға венгр әдебиетінің бірегей туындыларына қол жеткізуге мүмкіндік беретін және тарихи-мәдени байланыстарды тереңірек түсінуге ықпал ететін туынды.

Тұсаукесерде Венгрияның Төтенше және Өкілетті Елшісі Отто Иван Рона мырза және Қазақстан Республикасы Премьер-Министрінің кеңесшісі Ералы Тоғжанов сөз сөйлеп, венгр классиктерін қазақ тіліне аударудың маңыздылығына тоқталды.