2026 жылғы 5 қаңтарда Қазақстан Республикасының Ұлттық академиялық кітапханасы директорының орынбасары қызметіне Жакупова Айтоты Бакақызы тағайындалды. 

Айтоты Бакақызы  2008 жылдан бері Ұлттық академиялық кітапханасында жемісті еңбек етіп, мол тәжірибе жинақтаған жоғары санатты маман. Кәсіби біліктілігімен, табандылығымен және нәтижелі еңбегімен лауазым биігіне көтерілген кітапхана саласының үздігі.

Ол бұған дейін кітапхананың электронды ресурстарды басқару қызметінің жетекшісі қызметін абыроймен атқарды.

С.Торайғыров атындағы Павлодар мемлекеттік университеті мен Тұран-Астана университетін «Кітапханатану және библиография», Құқықтану мамандықтары бойынша тәмамдаған.

ҚР Мәдениет және ақпарат министрлігінің Архив, құжаттама және кітап ісі комитеті төрағасының орынбасары Роллан Құспан мен Кітап ісі басқармасының басшысы Алмас Мырзахмет ұжымға жаңа басшылық құрам мүшесін таныстырды.