«ОТБАСЫНДАҒЫ 30 САБАҚ» кітабының таныстырылымы

21 Қаңтар 2023

ҚР Ұлттық академиялық кітапханасында «Отбасы хрестоматиясы» қоры жақында басып шығарған, оқырман жүрегіне жол тартқан «ОТБАСЫНДАҒЫ 30 САБАҚ» атты кітабының таныстырылымы өтті.

Бұл кітап – қоғамдағы орны толмас «Бостық» - деген дерттердің алдын алуға бағытталған арнайы құрал. Өйткені, кітапта балалардың таным-түсінігіне арналған ертегілер, шешендік сөздер, қара есептер мен мысал өлеңдер және әңгімелер, тарихи т.с.с. аңыздар енген. Кітапты ата-ана мен бала бірге оқуы қажет. Себебі кітапта берілген тапсырмалар ата-ана мен балаға ортақ және арнайы бағыттала берілген.

        Мақсаты – авторлар отбасы мүшелерінің бір дастарқан басында жиналғанда ортақ әңгіме айтуларына үлкен септігін тигізуді басты назарға алған. Тек кітап қана емес, арнайы жұмыс дәптері де қоса берілген.

Авторлар – XXI ғасырдың басында отбасы институты әлсіреді. Көнекөз қариялар азайды ма, дастарқан басында өнегелі әңгіме айтып, сөз ұстайтын адамдар қатары сиреді. Ата-ана баласына не әңгіме айтып берерін білмей таусылды. Амал жоқ, баланың көкірегін смартфондағы арзан әзіл-қалжың толтыра бастады. Осы тұста «Отбасы хрестоматиясы» қоғамдық қоры бей-жай қарап, бұл бостықтың орнын толтырудың сан-түрлі қырларын зерттей келе, осы құралдарды әр отбасында болуы керек деген тұжырыммен кітапты ұсынды. Кітап 2022 жылдың желтоқсанында ғана жарыққа шықты және оқырманын баурап үлгерді.

Таныстырылымға қала қонақтары мен кітапхана оқырмандары қатысты.

Іс-шаралар күнтізбесі

Жуырда
жаңа оқиғалар пайда болады