Қазақстан Республикасының Ұлттық академиялық кітапханасында 

2025 жылғы 12 қараша күні сағат 11:00-де «Отбасымен оқимыз» клубы аясында балалар жазушысы Бейбіт Қойшыбаевтың «Өрімтал» атты жинағы бойынша талдау сағаты өтті.

Іс-шараның мақсаты - жас оқырмандардың кітап оқуға деген қызығушылығын арттыру, қазақ балалар әдебиетін кеңінен насихаттау, сондай-ақ өскелең ұрпақты ізгілікке, адамгершілікке, еңбекқорлық пен отансүйгіштікке тәрбиелеу.

Шара барысында жазушының өмірі мен шығармашылығына шолу жасалып, әңгімелердің мазмұны мен негізгі идеясы жан-жақты талқыланды. Қатысушылар шығармадағы кейіпкерлер мен оқиғаларға талдау жасап, өз ой-пікірлерін ортаға салды, мазмұн мен тақырып төңірегінде пікір алмасты.