17 мамыр күні ҚР Президенті жанындағы «Орталық коммуникациялар қызметінің» Мәдениет және өнер қызметкерлері күніне арналған іс-шаралар туралы брифингі өтті. Брифингке кітапхана басшысы Ғазиза Құдайбергенқызы да қатысты. Спикерлер мереке қарсаңында Астана қаласында өтетін шараларды атап өтіп, нақты жоспарлармен бөлісті. Ұлттық академиялық кітапханасында 19 мамыр күні сағат 11:00-18:00 аралығында «Мәдениет: Кітап. Білім. Тіл» Open Air-2023 фестивалі өтеді. Мемлекет және қоғам қайраткерлері, зиялы қауым өкілдері, баспагерлер, БАҚ өкілдері, кітапханашылар мен жалпы оқырмандар қатысады және еліміздің әр өңірінен 200-ге жуық кітапханашылар келеді деп жоспарланып отырған ауқымды шараға барша оқырман қауымды, Астана қаласының тұрғындары мен қонақтарын шақырамыз!