Мәдениет және ақпарат министрлігінің ұйымдастыруымен 21 мамырда атап өтілетін өнер қайраткерлерінің кәсіби мерекесіне орай Астанада Мәдениет қызметкерлерінің форумы басталды.

   19-21 мамыр аралығында өтетін жиынға  музей, театр, кітапхана, архив және мәдени-демалыс ұйымдарының басшылары мен қызметкерлері, сондай-ақ шығармашылық зиялы қауым мен креативті индустрия өкілдері қатысуда.

    Бүгін кітапханада форумға қатысушы кітапханашылар үшін ҚР Ұлттық академиялық кітапханасының басшысы Күміс Сейітова, ҚР Ұлттық кітапханасының директоры Ғазиза            Нұрғалиева, Қ Р зағип және көру қабілеті төмен азаматтарға арналған кітапхана директоры Асхат Байузаковтар кітапханаларды цифрлық трансформациялаудың заманауи стратегиялары бағыттарында оқыту семинарын өткізді.

   Түстен кейін жиналғанда «Озық тәжірибелер аймағы: Қазақстанның көпшілік кітапханаларын таныстыру» тақырыбында дөңгелек үстелге қатысты. Шараны жүргізген Архив, құжаттама және кітап ісі басқармасы басшысы Алмаз Мырзахмет елімізде кітапхана ісінің дамуына айрықша назар аударыла бастағанын тілге тиек етіп, ел аумағында кітапханаларды жаңғырту, дамыту аясында жасалып жатқан жұмыстарға тоқталды.  

      Одан соң бірқатар өңірлік кітапханалардың басшылары өз мекемелеріндегі озық тәжірибелерімен бөлісті.

    Конкурстық комиссия отырысында «Рухани қазына -2025» мәдениет және өнер ұйымдары мен қызметкерлерінің республикалық фестивалінеқатысушы кітапханалар кітапхана ісі бойынша өз жұмыстарын қорғады.

   Үш күнге жоспарланған форум жұмысы ертең де түрлі семинарлармен, шеберлік сағаттарымен, рухани шаралармен жалғасады.

    Айта кетейік, айтулы форумға өңірлерден, көпшілік кітапханалардан 200- ге жуық кітапханашылар қатысуда.