Кітапханада аудармашы, драматург, прозаик, сатирик, филология ғылымдарының кандидаты, Халықаралық «Алаш» сыйлығының лауреаты Маржан Ершудың  «Әйелдер галереясы» және «Шығармашылық лаборатория»  кітаптарының таныстырылымы өтті.

Маржан ЕРШУДЫҢ « Әйелдер галереясы» мен «Шығармашылық лаборатория»  кітаптары Фариза ақынның 85 жылдығына арналған.  
Ақынның «Әйелдер галереясы» кітабы «Жаңа қазақ әдебиеті айдарымен» әйелдер әлемі туралы сыр шертеді. Сондай-ақ, қаламгердің әйел тақырыбында жазылған поэмалары, тарихи аңыз, ертегілер, әңгіме –әпсаналар, сатира, драма, публицистикалық жазбаларымен қатар белгілі түрік, ноғай қаламгерлерінен қазақ тіліне аударған туындылары да оқырманды көркем тіл, әсерлі суреттеуімен баурап алады. 
«Шығармашылық лаборатория» кітабы қаламгердің басынан кешкен қилы-қилы оқиғалардың жиынтығынан туатын шығармашылық процестер, жаңа шығарманың дүниеге келу тарихын баяндайды. 
Шараға белгілі қоғам және мемлекет қайраткерлері, ақын жазушылар, БАҚ өкілдері,  журналистер, оқырмандар қатысты.