Пост релиз

Қазақстан Республикасы Ұлттық академиялық кітапханасында Қазақстан Республикасының Мәдениет және ақпарат министрлігінің қолдауыменкөрнекті ақын, жазушы, Қазақстан мемлекеттік сыйлығының лауреаты Фариза Оңғарсынованың туғанына 85 жыл толуына орай ақынның «Мазмұндама» баспасында жарық көрген ақын, Халықаралық «Шабыт» фестивалінің лауреаты Әлия Дәулетбаеваның «Фариза Оңғарсынова кім?» атты кітабының таныстырылымы өтті.

Бұл кітап оқырманға қазақтың көрнекті ақыны Фариза Оңғарсынованың ақындық болмысын, қайраткерлік қырын таныстырып,  тұлға болып қалыптасу жолы баяндайды. Фариза Оңғарсынованың еліміздің беделді басылымдарындағы журналистік, редакторлық қызметі, Мәжіліс болған жылдары ел игілігі үшін атқарған шаруалары сөз болады. Сонымен қатар  кітапта ақынның қаламдас, қанаттас достарының поэзия падишасы жайлы естеліктері де берілген.

Шара  аясында кітаптың авторы Әлия Дәулетбаевақазақтың көрнекті ақыны Фариза Оңғарсынованың ақындық болмысын, қайраткерлік қырын таныстырса, ақынның немересі Аслан Алмасұлы әжесі туралы естеліктерімен бөлісті.

Әлия Дәулетбаева: «Фариза апамыз - бүкіл қазақтың өлеңсүйер көгөрімін руына, жеріне қарамай, бірдей жақсы көріп, қамқорлық жасаған адам. Мен де ғұмыр сапарымда сол кісінің шапағат-шуағын көргеніме шексіз ризамын».

Елордадағы Фариза Оңғарсынова атындағы №77 мектеп-гимназиясының оқушылары ақынның өмірі мен шығармашылығына тоқталып, өлеңдерін оқыды.