Қазақстан Республикасының Ұлттық академиялық кітапханасында 

23 мамыр 2025 жылы, сағат 14:00-де  Халықаралық балаларды қорғау күніне орай    «Әлем балалар көзімен» атты сурет көрмесінің ашылуы өттіі.

         Көрменің мақсаты – жас ұрпақтың туған жерге деген сүйіспеншілігін ояту, табиғаттың сұлулығын сезіне білуге баулу және көркем өнер арқылы патриоттық тәрбиені қалыптастыру.

         Көрме балалардың шығармашылық қабілетін дамытуға, елге деген құрмет пен жауапкершілік сезімін тереңдетуге бағытталған. Әлем балалар көзімен» атты сурет көрмесі еліміздің ғажайып табиғатына арналған. Art School Da Vinci көркемсурет студиясы мен Damu Bala дамыту орталығының жас таланттары ұсынған 40-тан астам көркем туынды көрмеге қойылды.

         Көрменің ашылу салтанатына суретші-педагогтар: Переславцев Никита Сергеевич, Переславцева Галина Алексеевна, Двесова Ұлбосын Базаралиевна, сондай-ақ көрменің қонақтары Ахметова Асель, Жалмұханова Рита, жас суретшілер мен кітапхана оқырмандары қатысты. 

         Бұл көрме балалар шығармашылығының жас ұрпаққа патриоттық тәрбие беруде және эстетикалық талғам қалыптастыруда қуатты құрал бола алатынының жарқын үлгісі болды.