«Күндерімнің куәсі» атты алты томдық кітаптарының тыныстырылымы өтті

03 Ақпан 2025

 

Қазақстан Республикасы Мәдениет және ақпарат министрлігінің қолдауымен ҚР Ұлттық академиялық кітапханасының ұйымдастыруымен қоғам және мемлекет қайраткері, ф.ғ.д.. профессор Мырзатай Жолдасбековтің күнделік жазбалары жинақталған «Күндерімнің куәсі» атты алты томдық кітаптарының тыныстырылымы өтті.

Мырзатай Жолдасбековтің 6 кітаптан тұратын «Күндерімнің куәсі» күнделік жазбалары 1993-2018 жылдар аралығын қамтиды. Бұл жазбаларда халықаралық қатынастың қалыптасып, дамуы, ел мүддесіне қатысты тарихи шешімдердің қабылдануы; қазатың тарихын, мәдениеті мен өнерін, әдебиетін, салт-дәстүрін, ғылымы мен білімін дамытуға қосқан үлесі; елдің әлеуметтік-экономикалық жағдайы, ішкі, сыртқы саяси ахуалы, ұлтаралық қатынас мәселелері, сондай-ақ адамгершілік пен ұлттық тәрбие туралы ойлары да қамтылады. Өзі араласып, сыйласқан тұлғалар жайында, өзіне жасалған әділетсіздік пен қастандық, марапат пен мадақ та, дер кезінде ұтымды сөз тауып, тығырыққа тірелген күрделі мәселелердің де күрмеуін шешкен сәттері де, қазақтың мүддесі үшін күрескен тұстары да көрініс табады. 

Кітап тұсаукесерінде Мырзатай Жолдасбекұлына ҚР Мәдениет және ақпарат министрі Аида Балаеваның және  Халықаралық Түркі академиясының президенті Шахин Мұстафаевтың құттықтау хаттары табыс етілді.

«Сіздің ғұмыр жолыңыз бүкіл қазақ елінің тарихы мен рухани мұрасын байытатын құнды дүние. Жаңа кітаптарыңыз болашақ ұрпаққа бағдар беретін, елдіктің мәнін ұқтыратын тағылымды туынды боларына сеніміміз мол» - делінген Аида Ғалымқызының құттықтау хатында.

Шараны Қазақстан Республикасы Парламенті Сенатының депутаты Дархан Қыдырәлі жүргізді.

Шараға белгілі қоғам және мемлекет қайраткерлері, ақын жазушылар, БАҚ өкілдері, журналистер, оқырмандар қатысты.

 

Іс-шаралар күнтізбесі

08
Ақпан

15:00

Speaking club ағылшын тілі курсы

М. Мақатаев залы

08
Ақпан

12:00

Ағылшын «Тоастмастерс» клубы

М. Мақатаев залы