ҚР Ұлттық академиялық кітапханасының ұжымы кітапхана директорының орынбасары, білікті басшы, тәжірибелі маман Әлия Қожабекованы құрметті еңбек демалысына шығарып салды.

Әлия Қожабекқызы – саналы ғұмырын кітапхана саласына арнаған, руханият пен білімге жан-тәнімен берілген кітапханашы. Астана қаласындағы Қазақстан Республикасының Ұлттық академиялық кітапханасы» республикалық мемлекеттік мекемесінде 2004 жылдан бері жұмыс істейді. Ғылыми хатшы, пайдаланушылар қызметінің, сирек кітаптар мен қолжазбалар қызметінің жетекшісі қызметтерін атқарды. 2017 жылдан қазіргі уақытқа дейін пайдаланушыларға қызмет көрсету және кітапхана ісі жөніндегі басшының орынбасары қызметін атқарып келеді.

Әлия Мамбайқызы кітапхана саласының дамуына қосқан сүбелі үлесі үшін жуырда Қазақстан Республикасы Мәдениет және ақпарат министрлігінің ұсынысымен  «Ерен еңбегі үшін» медалінің иегері атанды.

Кәсібіне адалдық, адамдармен қарым-қатынастағы кішіпейілділік пен парасаттылық – Әлия Мамбайқызының бойындағы басты қасиеттердің бірі. Жас мамандарды тәрбиелеуге, ұжымда кәсіби орта қалыптастыруға көп күш жұмсады.

Ұжым атынан Әлия Қожабекқызына ерен еңбегі үшін алғыс білдіре отырып, зор денсаулық, қажымас күш-қуат, отбасы амандығы мен бейбіт өмір тілейміз! 

Кітапхана ұжымы