ҚР Ұлттық академиялық кітапханасында ҚР Мемлекеттік сыйлығының иегері, жазушы Қажығали Мұханбетқалиұлының 80 жылдығына орай тұңғыш рет ағылшын тілінде жарық көрген «Troubled times» («Тар кезең») тарихи романының таныстырылымы өтті.

08 Желтоқсан 2022

Романның алғашқы тарауы – 1992 жылы жазылып, соңғы нүктесі 2012 жылы қойылған.  Сырым батыр бейнесі мен сол дәуірдің қайшылықты оқиғалары туралы  баяндалған «Тар кезең» тарихи романына 2014 жылы  әдебиет пен өнер саласындағы Мемлекеттік сыйлығы берілді.

Кітаптың тұсаукесеріне филология ғылымдарының докторы, профессор, Қазақстан Республикасы Президентінің кеңесшісі Бауыржан Омарұлы,  ҚР Ақпарат және қоғамдық даму министрі Дархан Қыдырәлі, публицист және аудармашы, Қазақ ПЕН-клубының президенті Бигелді  Ғабдуллин және танымал ағылшын аудармашысы  Саймон Холлингсуорт, ҚР жазушылар Одағының төрағасы, ақын Ұлықбек Есдаулет,  «Егемен Қазақстан» РГ» ЖШС Бас директоры Дихан Қамзабекұлы, «Túrkistan» газетінің бас редакторы, ақын Бауыржан Бабажанұлы, филология ғылымдарының кандидаты, доцент, Қарағұл батырдың ұрпағы Сабыржан Сағидоллаұлы, қаламгерлерден Серік Негимов, Қуаныш Жиенбай, Шархан Қазығұл, журналист, аудармашы, ақын Серғазы Гүлзира сынды бірқатар зиялы қауым өкілдері және Сырым Датұлының тікелей ұрпағы Олжас Сейдахмет қатысты. Айта кетсек, жазушы Қажығали Мұханбетқалиұлы Р.Акутагаева, С.Моэм, Ги де Мопассан, Д.Фонвизин, басқа да шетелдік қаламгерлердің шығармаларын қазақ тіліне аударған. Жазушыға 2002 жылы Байғанин ауданының құрметті азаматы атағы берілді. 2003 жылы «Қазақстанның еңбек сіңірген қайраткері» атағына ие болды.

Іс-шаралар күнтізбесі

Жуырда
жаңа оқиғалар пайда болады