ҚР Ұлттық академиялық кітапханасында ақын, жазушы Ұларбек Дәлейұлының «Қарғыбаулы қасқыр» атты хикаялар жинағының әдеби таныстырылымы өтті.

05 Желтоқсан 2023

ҚР Ұлттық академиялық кітапханасында ақын, жазушы Ұларбек Дәлейұлының «Қарғыбаулы қасқыр» атты хикаялар жинағының әдеби таныстырылымы өтті.

Кітап жуырда «Отбасы хрестоматиясы» баспасынан жарық көрген.

«Қарғыбаулы қасқыр» кітабының негізгі өзегі – көшпенділер рухы мен тарихи шайқастар. Тамыры – ұлы Ғұн мен көк Түріктер дәуірінен бастау алатын жауынгерлік хикаялар. Алтай бетін жайлаған қазақтардың атамекені үшін өткерген қиян-кескі соғысы, оған бас болған қазақ мергендерінің ерлігі деректер негізінде өрнекті тілмен баяндалады. 

Негізгі тамыры көшпенді жұрттың ерлік даңқынан қуаттанған ерекше жазу стилі оқырман жүрегіне жігер мен намыс отын құяды. Сонымен қатар, арасын шекара торы бөліп жатқан сонау Алтайда өткен балалық шақ, ауыл тіршілігін айта отырып, бүгінгі күні көзден таса бола бастаған ұлттық құндылықтар негізін тілге тиек етеді. Кітаптың өнбойынан жалаң қолмен жауға шабар асқақ рух, қазақтың еңсесін көтерер ерен өрлік есіп тұр, туған мекенге, Атажұрт – Алтайға  деген сарытап сағыныш аңқып тұр.

Шараның құрметті қонақтары кітаптың өн бойынан жалаң қолмен жауға шабар асқақ рухтың, қазақтың еңсесін көтерер ерен өрліктің есіп тұрғанын тілге тиек етіп, қаламгерге сәттілік тіледі.

Осы уақытқа дейін Ұларбек Дәлейұлының «Қанымдағы қасқыр иісі», «Күз жауған соқпақ» жыр жинағы мен «Хат бармайтын қыстақ» атты әңгімелер жинағы жарық көрген еді. 

Жаңа кітаптың таныстырылымына зиялы қауым өкілдері, елімізге белгілі ақын, жазушылар, әдебиетсүйер қауым, БАҚ өкілдері, журналистер, оқырмандар қатысты.

Іс-шаралар күнтізбесі

29
Ақпан

09:00

"Шетел әдебиетінің әуескойлар клубы" кітапханадағы клубының отырысы

Шетел әдебиеті залы

8-(7172)-47-26-75

01
Наурыз

10:00

1 наурыз Алғыс айту күніне арналған мерекелік іс-шара

2 қабат, фойе

8-(7172)-47-26-75