4 маусым – Қазақстан  Республикасының  Мемлекеттік  рәміздер күніне орай  «Мемлекеттік рәміздер - ұлт мақтанышы» атты кітап көрмесі ұйымдастырылды.

     Көрменің мақсаты – оқырмандардың мемлекеттік рәміздер жөніндегі білімдерін кеңейту, өз елінің тарихын білуге арналған әдебиеттерді насихаттау. Мемлекеттік Ту, Елтаңба, Әнұранға деген құрмет сезімін қалыптастыру.

      Көрмеге Ата заңымыз «Қазақстан Республикасының Конституциясы», «Қазақтың ата заңдары» құжаттар, деректер, және 10 томдық зерттеулер, Ж.Мәлібекұлының «Қазақстан Елтаңбасы. Герб Казахстана. State Emblem of Kazakһstan», С.Трофимованың «Қазақстан тәуелсіздігінің рәміздері», «Елтаным», Ы.Сағынтаевтың «Қазақстан Республикасының рәміздері», Е. Шаймерденовтың «Қазақстан Республикасының мемлекеттік рәміздері. Тәуелсіздік нышандары», «Қазақ елінің рәміздері», «Қазақстан Республикасы Мемлекеттік рәміздерінің қалыптасу тарихы» т.б. мемлекеттік рәміздердің тарихы мен маңызы жайлы, авторлардың өмірбаяны, егемендікті еншілегенге дейінгі еліміздегі тарихи рәміздер туралы материалдар мен мерзімді баспасөз беттерінен алынған  мақалалар қойылды.