Биыл Қожа Ахмет Яссауи бабамыздың туғанына 930 жыл. Осыған орай кітапханамызда ғалымдар мен Яссауи әлемін зерттеушілердің басын қосқан іс-шара болды.

Кітапханамызбен мен "Көкжиек-Горизонт"баспасының  ұйымдастыруымен 29 наурыз, сағат 15:00-де "Қожа Ахмет Ясауидің дүниетанымы" атты кітаптың тұсаукесері өтті. Кітап авторы – философия ғылымдарының докторы, "Тұран-Астана"университетінің профессоры Айдар Әбуов.

Әр халық ата-баба тамырын, рухани кодын түсінуге және сол арқылы өзінің ұлттық сана-сезімін нығайтуға тырысады. Ұсынылған кітапта Ұлы Түркі ағартушысы, ақын және ойшыл Қожа Ахмет Яссауи рухани мұрасының негізгі ережелері ашылған.

Кітап жалпы оқырмандарға  сонымен қатар ғылыми қызметкерлер, аспиранттар, студенттер, сондай-ақ Қазақстанның мәдени мұрасының тарихына қызығушылық танытқандарға арналады.