24 қазан- Кітапханашылар күніне орай  13 қыркүйек күні Музыкалық жас көрермен театры тұңғыш  рет «Кітапханашы күнделігі» атты моно-қойылым сахналады. Туынды Ұлттық академиялық кітапхананың директоры Ғазиза Құдайбергенқызының күнделігінің желісімен жазылған. Автордың  ақыл-ойдың тамыршысы - кітапқа деген құрметті арттыруды  мақсат еткен жазбасын сахнаға дайындаған  Музыкалық жас көрермен театрының директоры, қоюшы-режиссер –Асхат Маемиров.

Қойылым аясында Ғазиза Құдайбергенқызының «Кітапханашының күнделігі» кітабы оқырманға ұсынылды.

       «Президент Қасым-Жомарт Тоқаевтың «Әділетті мемлекет. Біртұтас ұлт. Берекелі қоғам» атты Жолдауында кәсіби маманның қадірін білу керек екенін, еңбекқор адам мемлекетті дамытатынын баса айтқан еді. Осы ретте рухани ордаға баланған кітапханалар мен олардың шырақшысына ай¬нал¬ған кітапханашылар қоғам мен мемлекеттің дамып, өркендеуіне өте қажет әрі маңызды мамандық екендігін ешкім жоққа шығара алмайды. Бүгінгі қойылым да, жарық көрген кітап та кітапхана мен кітапханашының еңбегін дәріптейді»- деді Ғазиза Құдайбергенқызы.