Бұл кітапта белгілі кәсіпкер, экономист-сарапшы Ербосын Нұрмұханұлының еліміздің беделді бұқаралық-ақпарат құралдарында жарияланған сараптамалық мақалалары жинақталған. Автор қазіргі елімізде және әлемде болып жатқан экономи- калық, саяси және әлеуметтік мәселелер жөнінде тұшымды көзқарасы мен ашық ойларын ортаға салады.

Шыңжаң өлкесінде бастаған кәсіпкерлік жолын Атажұртта жалғаған іскер азамат осы саладағы өз тәжірибесіне сүйене отырып, орта және шағын бизнесті дамытуға тұсау болып отырған кедергілер- ге тоқталып, оны дамытудың тетіктерін тарқатады. Шетелдің озық тәжірибелерімен таныстырып, оларды үлгі етудің жолдарын баяндайды. Сонымен қатар көпшілікке түсінікті қарапайым тілмен жазыл- ған экономикалық талдауларында мемлекеттің даму стратегиясына ықпал ететін маңызды ойлар айтылады. Үздік мақалалар жинағының тілі өткір, баяндалуы тартымды, оқылуы жеңіл. Кітап көпшілік оқырманға арналған.

         Кітап тұсаукесеріне «Отандастар» қоры төрағасы Абзал Сапарбекұлы, жазушы Тұрсынқан Зәкен, Нұршат Нұражы, Сапарбай Жобаев, Ерлан Құдысұлы, Нұрмұхан Жанұзақұлы, Бақтыбай Қасымбекеов, Ерлан Жұрынбаев, Едіге Қожахмет, Махат Садық, Думан Аман, Манат Мүстапа, Жәди Шәкен және Ауыт Мұқибекұлы қатысты