ҚР Ұлттық академиялық кітапханасында дүниежүзілік португал тілі күні және португал әдебиеті бұрышына кітаптарды салтанатты түрде тапсыру рәсімі өтті.

Іс-шара Қазақстан Республикасындағы Португалия Елшілігімен бірлесіп ұйымдастырылды. Шараның мақсаты – дүниежүзілік португал әдебиеті күнінің маңызын айшықтау, шет тілдері мен шетел әдебиетін оқуға қызығушылықты арттыру.

Португалия Республикасының («Instituto Diplomático») Астанадағы елшіліктері португал әдебиеті бұрышына салтанатты түрде португал тілді елдердің мәдениетін, тарихын, дәстүрлерін және қазіргі дамуын бейнелейтін қазақ, орыс және португал тілдерінде кітаптар ұсынды.Кітапхана қоры  Португалия Парламентінің тарихи, ғылыми-көпшілік, өмірбаяндық, балалар әдебиеті жанрындағы тағы 30 кітаппен толықты.

«Бұл кітаптар енді кітапхана сөрелерін толтырып, оқырмандарға люсофон әдебиетінің кең әлеміне еніп, әдебиет сүйер қауымды әлемде кең тараған бесінші тілге жақындатуға мүмкіндік береді. Осы тілдегі көптеген жазушылар мен ақындардың қатарында Камоэнш, Винисиус де Мораес, Миа Коуту, Луиш Кардозу, Жозе Луандину Виейра, Онджаки және Паулина Чизиане оқырмандарды қуантады деп шын жүректен үміттенеміз» - деді Португалия елшілігінің уақытша сенімді өкілі Жозе Атаиде Амарал.

Салтанатты шараға Бразилияның Төтенше және Өкілетті Елшісі Рубем Антонио Корре Барбоза, Португалия істерінің уақытша сенімді өкілі Жозе Атаиде Амарал,  Сербия Елшісі Владимир Йовичич, Үндістан, Түркия, Венгрия Елшіліктерінің өкілдері, Қазақстанның ғылыми және шығармашылық зиялылары, студенттер, ЖОО магистранттары және кітапхана оқырмандары қатысты.